بە شێوەیەکی گشتی ئەو هەڵە باوانەی کە لە بڕگەکانی کۆنکرێتدا دەکرێن بریتین لە :

• زەرعە کردنی هەڵە و خەمڵاندنی هەڵە بۆ بڕی کۆنکریتی داوا کراو ، واتا داواکردنی کۆنکرێت بە بڕی زۆر زیاتر یان کەمتر لە بڕی پێویست .

• داواکردنی جۆری هەڵەی کۆنکرێت ، واتا جۆری چیمەنتۆی بەکارهاتوو ئەوە نەبێت کە لە تەندەر داوا کراوە یاخود زیاد و کەمی بڕی چیمەنتۆ و هێزی بەرگە گرتنەکەی بۆ نموونە بە پێی دیزاین دەبێت ( 30 مێگاپاسکال بێت ) بەڵام بە هەڵە ( 25 مێگاپاسکال داوا بکرێت یان ڕەنگە کارگەی ئامادەکردنی کۆنکرێتەکە ئەو هەڵەیە بکەن ) .

• نەگەیشتنی کۆنکرێت بە هەموو بەشەکان لە قاڵبدا بە هۆی بونی هەر جۆرێکی بەربەست یاخود چڕی شیش لەو شوێنانەدا .

• بوونی کێشە لە قاڵبەکان ، بەستنی هەڵە یاخود بونی کێشە لە پێوانەکان و شوێنی قاڵبەکان ، یان ڕەنگە قاڵبەکان ئەگەری کرانەوەیان هەبێت لە کاتی کۆنکرێت تێکردن .

• بەکارهێنانی قاڵبی کۆن و پیس ، وە خاوێن نەکردنەوەی قاڵبەکان پێش کۆنکرێت کردن .

• زیاد و کەمی بڕی ئاوی بەکارهاتوو لە کۆنکرێتەکەدا ، کە دواتر کێشە دروست دەکات و هێزی کۆنکرێت کەم دەکاتەوە و درز دروست دەبێت .

• بەکارنەهێنانی هەزاز کە دواتر کێشە دروست دەکات .

• درەنگ بڵاوکردنەوە و ماڵە و صقل کردنی کۆنکرێت .

• لێکردنەوەی قاڵب زوتر لە کاتی دیاریکراوی خۆی .

• کۆنکرێت کردن لە کەش و هەوای نەگونجاو ( واتا لە پلەی گەرمی زۆر بەرز یان زۆر نزم ، یان کاتی باران و بەفر و ڕەشەبای زۆر بە‌هێز ) .

• ئاوەرشێن نەکردن بەپێی پێویست .

ئەم بابەتە لە لایەن ئەندازیار لەنجە سەرکۆ وە نوسراوە

دەست خۆش کاك ڕاستی بۆ دانانی بابەتەکە.