باشترینەکان

سێ کتێبی زۆر گرنگ بۆ ئەندازیارانی شارستانی بە گشتی و بە تایبەت ئەو ئەندازیارانەی کە لە تاقیگەکانی بیناکاری کار دەکەن. کتێبەکان لە لایەن وەزارەتی ئاوەدانکردنەوەی حکومەتی عێراقەوە دانراوە لە ساڵی ٢٠٠٩ دا ئامادەکار: المرکز الطنی للمختبرات و البحوث الأنشائیة - قسم البحوث و الشئون الفنیة ساڵی دەرچوون: ٢٠٠٩ ناوی کتێبەکان: مواصفات المواد و الأعمال الأنشائیة کراس النمذجة الیل الفحوص المختبریة هیوادارم سودی هەبێت Materials-Specification-and-Construction-Works-09.pdf Sampling-Booklet-09.pdf Laboratory-test-guide.pdf

بەرنامەی RustDesk. بەدیلێکی ناوازەیە بۆ کۆنترۆڵی ئامێرە دوورەکان وەک Teamviewer یان Anydesk. ڕووکارێکی ئاسان بۆ بەکارهێنانی هەیە، سەرچاوە کراوە و لەتونایدایە لە یەک کاتدا پەیوەندی بکات لەگەڵ زیاتر لە ئامێرێک لەگەڵ سیستەمی کارپێکردنی جۆراوجۆر پەیوەسبێت یان جۆینبێت. بۆ ئەوەی بتوانرێت داتا و فایلەکان لە نێوان ئامێرە جۆراوجۆرە بەستراوەکاندا لە ڕێگەی RustDesk ەوە بنێردرێت. ڕوکاری بەرنامەکە کلیک لێرە بکە بۆ داگرتنی بەرنامەکە

دەست خۆش.

هەڵبژاردنی لکێنەری دروست بۆ کاشیکردنەکەت زۆر گرنگە بۆ دڵنیابوون لە مانەوە و پاراستنی کوالیتی کارەکەت. لێرەدا چەند ڕێنماییەک لەسەر بنەمای شوێنی جیاوازی کاشی و بارودۆخی ژینگەیی دەخەینە ڕوو:کاشی ناوەوەی خانوو (ناوچە ستانداردەکان): ئەگەر کاشی ناو مال دەکەی کە ڕووبەرێکی بچووکتر دەگرێتەوە، وەک کاشی دیوار (٣٠*٩٠) یان کاشی ئەرزی (٨٠*٨٠)، و شوێنەکە بەرکەوتەی کەشوهەوای زۆر یان شێ نەبووە، ئەوا پێویستت بە لکێنەری زۆر ئاست بەرز نییە. باشترین بژاردەکان بۆ ئەم جۆرە پڕۆژەیە بریتین لە #قەلەکیم ١٠٥٢ یان #سولیکیم ١١١١، چونکە لکاندنی گونجاو دابین دەکەن بەبێ پێویستی بە تایبەتمەندی مانەوەی زیادە. ئەم لکێنەرانە تەواون بۆ بەکارهێنانی ستانداردی ناوماڵ. کاشی دەرەوە: • بۆ کاشی دیواری لەم قیاسە و گەورەتر (٦٠*١٢٠) یان ئەو شوێنانەی کە زەویەکەیان شۆفاژە یان لە شوێنی شێداردا بن وەک حەمامەکان یانیش کاشی ئەرزییان قەبارەی (٨٠*٨٠) زیاترە پێویستت بە لکێنەرێکە کە بەرگەی شێ و گەرمی ناوبەناو بگرێت. • قەلەکیم ١٠٥٤ یان سولیکیم ١١٤٤ لێرەدا باشترین هەڵبژاردەن، بەرگری بەرزبوونەوەی شێ پێشکەش دەکەن کە بە تایبەتی بۆ حەمام و کاشی گەورە و مەڕمەڕیش گونجاوە. کاشی مەسبەح یان بارودۆخی کەشوهەوای زۆرسەخت: • ئەگەر کار لەسەر کاشی دەرەوە یان پڕۆژەکان دەکەیت کە بەرکەوتەی کەشوهەوای سەخت دەبن (وەک باران، بەفر، یان گەرمی زۆر)، بەتایبەتی بۆ کاشی تەختەی گەورەتر (بۆ نموونە، 120x270)، پێویستت بە چەسپێکی زۆر بەهێز دەبێت. • باشترین چەسپەکان بۆ ئەم بارودۆخانە بریتین لە #قەلەکیم ١٠٦٢ یان #سولیکیم ١١٦٦ کە بە تایبەتی بۆ بەکارهێنانی دەرەوە و بەرگرییەکی زۆر لە کەشوهەوادا دیزاین کراوە بۆ ئەوەی دڵنیا بیت لە مانەوەی کاشیەکانت بە پارێزراوی. بە هەڵبژاردنی چەسپی گونجاو بۆ ژینگەی تایبەتی کاشیکردنەکەت، کوالیتی بەرز و تەواوکردنی درێژخایەن بەدەست دەهێنیت. بە سوپاسەوە وەرگیراوە

دوای تێپەڕبوونی زیاتر لە سەدەیەك بەسەر دامەزراندنی قوتابخانەی باوهاوس (ماڵی تەلارسازی) لە ئەڵمانیا لە ساڵی ١٩١٩، قوتابخانەیەکی دیزاین و تەلارسازی مۆدێرن کە لە لایەن ئەندازیاری ئەڵمانی واڵتەر گرۆپیۆس (١٨٨٣-١٩٦٩) دامەزراوە. بیرۆکەی سەرەکی ئەوەیە کە هەوڵ بدرێت هونەر بە تەلارسازی و ئەندازیاریەوە ببەسترێتەوە، و بەردەوام نەبن لە جیاکردنەوەیان وەك ئەوەی لە سەدەی نۆزدەهەم و پێشتردا بوون. گرۆپیۆس بینی کە هونەر و ئەندازیاری دەتوانن سوود بە یەکتری بگەیەنن، قوتابیانی قوتابخانەکەش بەشدارییان لە دیزاینکردن و تەیارکردنی بیناکاندا کرد، بە بەکارهێنانی تاقیکردنەوە و خەیاڵی بوێرانە، بەبێ ئەوەی ئەو ئامانجەی کە بۆ دیزاین هەیانبوو ون ببێت، بۆ ئەوەی تەلارسازی ببێتە مەکۆیەك و ژینگەیەکی ڕۆژانەی یەکگرتوو بۆ دیزاین دروست بکەن، لە کەوچکێکەوە دەست پێدەکات تا دەگاتە تەواوی شارێك. بۆ چەندین ساڵ قوتابخانەی باوهاوس ڕۆڵێکی گەورەی بینی لە گۆڕینی سیمای فیزیکی جیهانی ڕۆژانە و تایبەتمەندیەکانی، لە دیزاینی کتێبەوە بۆ ڕووناکی ماڵەوە، بۆ مۆبیلیاتی سووك، لە بەکارهێنانێکی پراکتیکی بیرۆکەی باوهاوس (کارایی تەلارسازی) ، کە ئامانجی ئەوەیە دیزاینەکە لەگەڵ ئامانجەکەیدا بگونجێنێت، و لێرەدا دەتوانین ڕێگە بە جوانییەکان بدەین ئەمە بەبێ ئەوەی هیچ کێشەیەك دروست بکات بۆ دیزاینەرەکە. بەکارهێنانی بیرۆکەکانی باوهاوس بووە هۆی نەهێشتنی دیکۆراتی ناپێویست، کە کەڵەکەبوو و تەرخانکرابوو بۆ بیرۆکەکانی سەدەی نۆزدەهەم و پێشتر، بەڵام ئەوە ڕێگری ناکات لە بوونی ئەو شتانەی کە لە ڕووی کاراییەوە ڕاستن، بەڵام ناشرینن، یان لانیکەم ئاسایین. کارەکانی باوهاوس جوانن نەك تەنها لەبەرئەوەی هاوتای ئەو ئەرکەن کە بۆی دیزاین کراون، بەڵکو لەبەرئەوەی هونەرمەندان خاوەن دید و سەلیقەی هونەری دیزاینیان کردووە و دەیانزانی چۆن بیناکە لەگەڵ ئامانجەکەیدا بگونجێت، و لەهەمان کاتدا دڵخۆشکەر بێت بۆ چاو . گرنگی تاقیکردنەوە: گرنگی و بەهای ئەزموونکردن نکۆڵی لێناکرێت، چونکە دۆزینەوەی پەیوەندی جیاواز لە نێوان شێوە و ماددەدا پێویستی بە تاقیکردنەوە و هەڵەیەکی زۆر هەیە. دیزاینەر یان ئەندازیار دەبێت ئازاد بێت لە هەڵبژاردنی پێکهاتە و کەرەستەی جیاواز، تەنانەت ئەگەر تاقیکردنەوەکان لە هەندێک کاتدا بەرەو بنبەستێک بگەن، بەڵام لە کۆتاییدا سوودیان هەیە، وەک چۆن هونەرمەند ناتوانێت هەمیشە ڕێبازی وریایی و ئاسایی پەیڕەو بکات، چونکە زۆربەی بەشە سەرەکییەکانی ڕووداوەکان و قوتابخانە هونەریەکان بە پلەی یەکەم لە بیرۆکە و تاقیکردنەوە ناپەسەندەکانەوە هاتوون کە لەوانەیە لەو کاتەدا بێباکانە دەرکەون. باوهاوس و نازیزم: هەر لەسەرەتاوە چاوی ڕاستڕەوەکانی ئەڵمانیا لەسەر گرۆپیۆس و قوتابخانەی باوهاوس بوو. کاتێک باوهاوس بۆ یەکەمجار لە ساڵی ١٩١٩ دەرکەوت، مانیفێستەکەی بارگاوی بوو بە سۆسیالیزم و شۆڕش و وەك زەمینەیەکی بەپیت بۆ ڕادیکاڵەکان دەهاتە بەرچاو، جگە لەوەی کە لەلایەن چەپەکانەوە پارەیان بۆ دابین دەکرا، پرۆفیسۆرەکانی قوتابخانەکە هونەرمەندی شۆڕشگێڕی ئاڤانگارد بوون، کە هەندێکیان هونەری ئاڤانگاردیان هەبوو، مێژووی کارکردن لەگەڵ ڕێکخراوە بەلشەفییەکان لە یەکێتی سۆڤیەت، وەک واسیلی کاندینسکی. سەرکردەکەیان، گرۆپیۆس، ئینتەرناسیۆنالیستێکی چەپ بوو، هەوڵی دەدا بیرۆکە پێشکەوتنخوازەکانی خۆی لە ڕێگەی دیزاینەوە بەدەستبهێنێت نەک سیاسەت، بە دروستکردنی خانووی پاك بۆ کرێکاران و شوێنی کارکردنی سەلامەت و هەواگۆڕکێی باش. هەروەها کاری کردووە بۆ دامەزراندنی سەندیکایەك کە کرێکارانی قوتابخانەی باوهاوس لەخۆ بگرێت، لەوانە هونەرمەندان و پیشەوانان، بەبێ ئەوەی جیاوازی چینایەتی لە نێوان کرێکار و هونەرمەنددا هەبێت ئامانجی گرۆپیۆس پێشکەشکردنی ڕۆح بوو لەسەر ئامێرەکە، لەکاتێکدا ئامانجی نازییەکان سەرکوتکردنی ڕۆح بوو لە ڕێگەی ئامێرەکەوە. دژایەتی لەگەڵ باوهاوس دەستبەجێ دەستی پێکرد، لە دانیشتوانی ناوچەکەوە دژی خوێندکارانی قوتابخانەکە، پارتە سوریالیستەکانیان، جاز و مۆسیقای فۆلکلۆر. ئەوان وەك کەسانی دەرەکی سەیر دەکران کە نەریتیان شکاندوە و ئەکادیمیای هونەری نەریتی و کۆنەپەرستانەیان پیس کردوە. ئەوان بوونە جێگەی ڕق و کینە لەلایەن ڕاستڕەوە کۆنەپەرستی پرۆتستانتەکانەوە و دەنگۆی ئەوە بڵاوبووەوە کە ئاهەنگی سێکسی و کۆبونەوە شەیتانییەکانیان ئەنجامداوە. ڕۆژنامە ڕاستڕەوەکان و لایەنە سیاسییەکان ئیستغلال کران بۆ گاڵتەکردن بەو قوتابخانەیە و جەختکردنەوە لەوەی کە ئەو قوتابخانەیە هەڕەشەیەکی جیهانییە بۆ سەر پاکی نەتەوەیی ئەڵمانیا. دەکرێ بڵێین ئەڵمانیا زەرەرێکی زۆری کرد لە وێرانکردنی قوتابخانەکە، هەروەها دەستکەوتی وڵاتانی دیکەش گەورەتر بوو، بەو پێیەی خوێندکارانی قوتابخانەکە بیرۆکە و ئەخلاقی خۆیان لەگەڵ خۆیان بردە وڵات و شارە جیاوازەکانی وەك: دیترۆیت، شیکاگۆ ، تۆکیۆ، ئەمستردام، لە ڕێگەی تەلارسازی و هونەر و دیزاینی پیشەسازییەوە. ئێستا دوای زیاتر لە سەد ساڵ لە دامەزراندنی قوتابخانەی باوهاوس، دەکرێ بڵێین کە دواجار ئەو بیرۆکەیە بەسەر نازیزمدا سەرکەوت و سەرەڕای هەموو هەوڵێك بۆ ڕووخاندن و سنووردارکردن و دەستگیرکردنی مامۆستا و هونەرمەندەکانی بۆ ساڵانێك بەردەوام بوو. نازیزم نەیتوانی بیرۆکەکە بسڕێتەوە و ژیانی باوهاوس تا ئێستاش بوونی هەیە، نەک تەنها لە ڕووی ستایلەوە، بەڵکو لە جەوهەر و ئەخلاقی قوتابخانەی هونەریدا کە ئارەزووی ژیانێکی باشتر بۆ هەمووان دەکات بەبێ جیاوازی چینایەتی.

سەرت خۆش برا بە هیوای سوود بینین … سەرت خۆش براکەم …

دەستەکانت خۆش بێت.. بە ڕاستی من زۆر سودم لە Anydesk بینیوە و زۆر بە کاری دەهێنم. ئەمەش تاقی دەکەمەوە بزانم چۆنە..

دەستەکانت خۆش بێت کاك @ADEL SNJARY زۆر بە سود دەبێت. بە ڕاستی AnyDesk یش بێ تامی کردبوو لەم ماوەیەی ئەخیرا زۆر بە باشی کاری نەدەکرد و تایبەتمەندی Free کەم کرابۆوە.

پای نێتوەرك بەپێی زمانحاڵی داهێنەرانی، تۆڕێكی مامەڵەی دراوی ئەلیكترۆنییە، هی كەس نییە و هەموو كەسێكیش خاوەنیەتی مەبەست ئەو كەسانەی بەكاریدەهێنن دەبنەخاوەنی، لەرێگەی بەرنامەیەكەوە كارەكانی دەكات كە بۆ مۆبایلە زیرەكەكان بەردەستە (ئایفۆن، گەلاكسی، هواوەی، شاومی..)، بەدراوەكەشی دەوترێت پای كۆین. تائێستا هیچ شوێن و جێگەیەك لەسەرئاستی جیهان ئامادەنییە مامەڵە بەم دراوە واتە پای كۆینەوە بكات، ئەوەی هەیە لە هەرێمی كوردستان تەنها بانگەشە و هاندانە (دیسان چەند خەڵكێكی داماو دەبنە قوربانیی). واتە پای نێتوەرك، تا ئەم قۆناغەی ئێستای، هیچ بڕە پارەیەكت پێنابەخشێت بەڵكو تەنها كۆینت دەداتێ ئەم كۆینانەش ناتوانی لە هیچ شوێنێك ساغی بكەیتەوە، چونكە وەك وتمان كەس كۆینت بۆ ناگۆڕێ بۆ پارە و شتی پێبكڕیت وەك ئەوە وایە تەنها خاوەنی ژمارە بیت و بەس. تائێرە زانیمان ئەو دراوە چییە و چۆنە، ئەوەی گرنگە و ئەمەوێ باسی بكەم لایەنی سیكورێتی (Security) یەكەیتی، كە لەكاتی دابەزاندنی بەرنامەكە و ئەزموون كردن و تێستكردنی وەك لایەنی تەكنیكی (نەك بەشداریی كردن)، سەرنجی ڕاكێشام و لام بووە جێگەی پرسیار. بەرنامەی پای نێتوەرك، بۆ خۆتۆماركردن بە چەند هەنگاوێكدا دەڕوات، دوای قۆناغی داخڵكردنی ژمارە مۆبایل و كۆدی بانگهێشتنامە و چەند زانیارییەكی تر، داوات لێدەكات بەم مەرجانەش رازی بیت، ئەگەر رازی نەبیت ناتوانی بەشداریی بكەیت. مەرجەكان: ١- دەبێت كۆمپانیاكە ئەو زانیارییانە بزانێت دەربارەی هەموو ئەو هێڵی ئینتەرنێتانەی بە مۆبایلەكەتەوە كۆنێكت دەبێت. ٢- زانینی هەموو ئەو ژمارە مۆبایلانەی لەناو مۆبایلەكەت خەزن كراون. ٣- وەرگرتنی زانیارییەكانی پەیوەندی كردن، بەنموونە ئی مەیڵ، یان هەر وەسیلەیەكی دیكە. ٤- زانینی ئەو زانیارییانەی تۆ وەك بەكارهێنەر چۆن دەستتدەگات بە ریكلام ٥- زانینی سیستمی مۆبایلەكەت (ئەندرۆید، ئای ئۆ ئیس) ٦- زانینی لۆكەیشن (شوێنەكەت چركە بە چركە). ٧- دەستگەیشتن بە هەستیارترین بەشی مۆبایلەكەت ئەویش (log file) كە بەرپرسە لەهەموو ئەو پەیوەندییانەی كردوتن یان بۆت هاتوون، بە وەڵام دانەوەبێت یاخود وەڵام نەدانەوە، بەهەموو كات و بەروارەكانەوە. ٨- دەستگەیشتن بە بەشی میدیا گەلەری مۆبایلەكەت (وێنە، ڤیدیۆ). بەكورتییەكەی وەك ئەوە وایە مۆبایلەكەتی پێببەخشیت و ئەو رێگەت پێبدات چۆن بەكاریبهێنیت! باشە ئەگەر بەرنامەیەك ئەم زانیارییە مەترسیدارانە لە بەكارهێنەرانی داوابكات وەك مەرج، دەبێت چ نیەتێكی لە پشت بێت؟ بۆیە هیچ شتێك شایەنی ئەوەنییە ئەم نهێنییانەی پێببەخشیت. گرنگە پێش بەكارهێنانی هەر بەرنامەیەك ، هۆشیاری لەبارەیەوە وەربگریت.. ئەمە تەنها باسكردنی لایەنی ئاسایش و پاراستنەكەی بوو، دیوەكەی تری با بۆ كەسانی تربێت قسەی لەسەر بكەن.

دەست خۆش بابەتێکی جوانە..

دەست خۆش کاك @ADEL SNJARY بە ڕاستی من زۆر سودم لێیان بینی. خۆزگە کەمێك ڕونکردنەوە یان شیکاریشت بۆ سناپ چات دادەنا. دەست خۆش

ئەمڕۆ دەمەوێت باسی تازەگەرییەکتان بۆ بکەم کە بە دڵنیاییەوە سەرنجی هەموو ئارەزومەندانی تەکنەلۆجیا و AI ڕادەکێشێت، بە تایبەت ئارەزومەندانی ڕەقەکاڵا و نەرمەکاڵا کە بەدوای گەڕان بەدوای تواناکانی AIدا دەگەڕێن لەسەر ئامێرەکانی خۆیان. ئەمە Chat with RTX ە، ئامرازێکە کە لەلایەن Nvidia ەوە خراوەتە بازاڕەوە و بەڵێن دەدات شۆڕشێک لە شێوازی کارلێککردنمان لەگەڵ مۆدێلەکانی AI ی دروستکەر ڕاستەوخۆ لە کۆمپیوتەرەکەمانەوە بکات. کۆمپانیای Nvidia کە بە پێشەنگی چارەسەری گرافیک ناسراوە، لە بواری زیرەکی دەستکرددا زۆر لە دواوە نییە. کۆمپانیاکە لە ڕێگەی چات لەگەڵ کۆمپانیای RTX هەوڵدەدات هانی بەدەستهێنانی نوێترین کارتی گرافیکی GeForce RTX 30 و 40 Series بدات، ئەمەش ڕێگە بە خاوەن ئەم کارتانە دەدات کە چاتبۆتێکی بەهێزی AI بەبێ هێڵی ئینتەرنێت لەسەر کۆمپیوتەری ویندۆز بەڕێوەببەن. ئەوەی سەرنجڕاکێشە لەم ئامرازەدا توانای خۆکارکردنی مۆدێلێکی GenAI ی شێوازی ChatGPT، بەستنەوەی بە بەڵگەنامە و فایل و تێبینییەکان بۆ ئەنجامدانی پرسیاری تایبەت. لێرەدا چۆنیەتی کارکردنت نیشان دەدات : https://www.youtube.com/watch?v=gdsRJZT3IJw ئامرازە مەجازییەکە مۆدێلی سەرچاوە کراوەی Mistral بەکاردەهێنێت بۆ دەستپێکردنی AI، بەڵام لەگەڵ مۆدێلەکانی دیکەی بنەمای دەقیشدا دەگونجێت، لەوانەش Llama 2ی Meta. بەڵام گرنگە ئاماژە بەوە بکەین کە دابەزاندنی هەموو فایلە پێویستەکان ڕەنگە پێویستی بە بڕێکی بەرچاو لە شوێنی هەڵگرتن هەبێت، لە نێوان 50 گێگابایت بۆ 100 گێگابایت بەپێی مۆدێلی تایبەت. ئەم لایەنە بۆ ئەوانەی ئەم ئامێرە لەبەرچاو دەگرن زۆر گرنگە، چونکە وەبەرهێنان نەک تەنها لە کارتی گرافیک بەڵکو لە چارەسەرەکانی هەڵگرتندا دەگرێتەوە. سەرەڕای بەڵێنەکانی، چات لەگەڵ RTX سنوورەکانی خۆی هەیە. بۆ نموونە ئامرازەکە ناتوانێت کۆنتێکستی پرسیارەکانی پێشوو لەبیر بکات، ئەمەش دەتوانێت بەردەوامیی گفتوگۆکان سنووردار بکات. جگە لەوەش، گرنگی وەڵامەکان دەتوانێت کاریگەری هۆکاری جۆراوجۆری هەبێت، وەک وشەسازیی پرسیارەکە، ئەدای مۆدێلی تایبەت و قەبارەی کۆمەڵە داتایەکی ورد. داگرتنی توڵی Chat with RTX

بە ڕای من کۆلێژ و پەیمانگا پزیشکیەکان چانسیان زیاترە بۆ دامەزراندن و هەلی کار لە دەرەوە. وە هیچ جیاوازیەکیش لە نێووان زانکۆی ئەهلی و حکومی دا نابینم، تەنها ئەوە نەبێت و کە زانکۆ ئەهلیەکان هەلی دامەزراندنیان لە کەرتی حکومی دا نیە کە ئەوەش لە ئێستا دا بۆ هەمووی وەك یەکە لە بەر ئەوەی بە گشتی دامەزراندن ڕاگیراوە. ئەگەر بێیتە سەر باسی سیستمی پارالێل ئەوا ئەوانیش هەر لە زانکۆ و پەیمانگا حکومیەکان دا هەن و هەر بە حکومی هەژمار دەکرێن. بە بێ دودڵی پزیشکیەکان دەرمانسازی یان شیکاری نەخۆشیەکان هەڵبژێرە.

دەست خۆش تابان خان، زۆر جوان نوسیوتە، حەز دەکەم منیش شتێکی بۆ زیاد بکەم.. قوتابخانەی باوهاوس لە ساڵی 1925ی زایینی گواسترایەوە بۆ دێساو، پاشان لە ساڵی 1932ی زایینی بۆ بەرلین، دوای ساڵێك لە لایەن نازیەکانەوە دەرگاکانی داخرا، کە بە شتێکی نامۆیان دەزانی و پێیان وا بوو کە دەبێت بەهەموو شێوەیەک لەناوببرێت، ئەمەش وایکرد لە پێشەنگ و ئەندازیارەکانی کە کۆچ بکەن بۆ دەرەوەی ئەڵمانیا، و بیرۆکەکانیان بە جۆرەها شێوە لە هەموو جیهاندا بڵاوکردەوە، بە تایبەت ئەمریکا. هەرچەندە مێژوی نوێنەرایەتیەکەی ماوەیەکی کورتی خایاند (١٩١٩-١٩٣٣ز)، بەڵام کاریگەرییەکەی لە هەموو شوێنێکدا دیارە تەنانەت کتێبی بەناوبانگی نیوفێرت کە کۆنتێکستێکی جەوهەریە بۆ تەلارسازەکان لە سەرانسەری جیهاندا، لەلایەن ئێرنست نیوفێرت، کە یەکێک لە دەرچووانی باوهاوسەو بووە ئامادەکراوە. لۆگۆی باوهاوس:

دەست خۆش براکەم. بابەتێکی جوانە. من خۆم زۆر کێشەم هەبوو لە گەڵی بە ڕاستی ئیزعاج بوو..