بەرنامەیەکی تەواو بێبەرامبەر کە ڕێگەت پێدەدات چاودێری پێکهاتەکانی کۆمپیوتەرەکەت بکەیت وەک پرۆسێسەر و گرافیک کارت و هارد دیسک و ڕام لە کاتی ڕاستەقینەدا بۆ ئەوەی دڵنیا بیت کە هەموو شتێک بە باشی کاردەکات. HWRadar بەکارهێنانی زۆر ئاسانە، کاتێک داگیرسێنرێت سکانێکی خێرا ئەنجام دەدات بۆ ناسینەوەی پێکهاتەکانی ناو ئامێرەکە و دواتر زانیارییە وردەکان لەسەر شاشەکە پیشان دەدات بۆ ئەوەی بتوانیت تێڕوانینێکی گشتی خێرا بۆ ئامێرەکەت وەربگریت. بۆ نموونە زانیارییەکانی پرۆسێسەر پیشان دەدات و چاودێری پلەی گەرمی و ڕێژەی بەکارهێنانی لەسەدی هەر ناوکێک دەکات، هەروەها ڕێژەی TjMax کە توانای خۆ ساردکردنەوەی پرۆسێسەرەکە و خێرایی فرێکوێنسی و هێز و ڤۆڵتیە و چەندین وردەکاری دیکە نیشان دەدات.

لە بەشی "بیرگەی سیستەم - System memory "دا، بەرنامەکە زانیاری دەربارەی کۆی گشتی و ڕامی بەردەست و بەکارهێنراو و هەروەها شوێنی بیرگەی یەدەگ و شوێنی کاش و زۆر شتی تر پیشان دەدات. هەروەها زانیاری لەسەر کارتی گرافیک دەدات، وەک پلەی گەرمی و خێرایی و بەکارهێنان و قەبارەی بیرگەی ڤیدیۆ، هەروەها زانیاری دەربارەی هارد دیسکەکە پیشان دەدات، وەک پلەی گەرمی و شوێنی بەکارهێنراو و کۆی داتاکانی خوێندنەوە و نووسراو. لە کۆتاییدا ئەگەر لاپتۆپ بەکاردەهێنیت، ئەوا زانیاری لەسەر پاترییەکەش دەبینیتەوە وەک ئاستی بارگاویکردنەوە، ئاستی لەبەرکردن، بارگاویکردنەوەی ئێستا، توانای ماوەتەوە، ڤۆڵتیە و هێز.

جگە لە پیشاندانی هەموو زانیارییەکان لەسەر شاشەکە، دەتوانرێت ڕاپۆرتێک لە هەموو ئەو زانیاریانەی کە بەرنامەکە دابینی کردووە بە فۆرماتەکانی وەک PDF، CSV، HMTL و DOCX هەناردە بکرێت. بەکورتی کۆمپانیای HWRadar زانیارییەکی زۆر سەرنجڕاکێش دەدات بۆ چاودێریکردنی پێکهاتەکانی کۆمپیوتەرەکەت و بە شێوەیەکی ڕێکخراو لەبەردەمتدا پیشانی دەدات، هەروەها چەندین بژاردەت پێدەدات بۆ خۆکارکردنی شاشە و ڕەنگی تەوەرەکان و هتد. 

 

کلیک بکە بۆ دابەزاندن

 

 

دەست خۆش، ئەم بەرنامەیە تاقی دەکەمەوە، پێ دەچێت زۆر باش بێت.

من HW Monitor بەکار دەهێنم کە لە لایەن کۆمپانیای CPUID ەوە دروست کراوە.