ADEL SNJARY

پای نێتوەرك بەپێی زمانحاڵی داهێنەرانی، تۆڕێكی مامەڵەی دراوی ئەلیكترۆنییە، هی كەس نییە و هەموو كەسێكیش خاوەنیەتی مەبەست ئەو كەسانەی بەكاریدەهێنن دەبنەخاوەنی، لەرێگەی بەرنامەیەكەوە كارەكانی دەكات كە بۆ مۆبایلە زیرەكەكان بەردەستە (ئایفۆن، گەلاكسی، هواوەی، شاومی..)، بەدراوەكەشی دەوترێت پای كۆین. تائێستا هیچ شوێن و جێگەیەك لەسەرئاستی جیهان ئامادەنییە مامەڵە بەم دراوە واتە پای كۆینەوە بكات، ئەوەی هەیە لە هەرێمی كوردستان تەنها بانگەشە و هاندانە (دیسان چەند خەڵكێكی داماو دەبنە قوربانیی). واتە پای نێتوەرك، تا ئەم قۆناغەی ئێستای، هیچ بڕە پارەیەكت پێنابەخشێت بەڵكو تەنها كۆینت دەداتێ ئەم كۆینانەش ناتوانی لە هیچ شوێنێك ساغی بكەیتەوە، چونكە وەك وتمان كەس كۆینت بۆ ناگۆڕێ بۆ پارە و شتی پێبكڕیت وەك ئەوە وایە تەنها خاوەنی ژمارە بیت و بەس. تائێرە زانیمان ئەو دراوە چییە و چۆنە، ئەوەی گرنگە و ئەمەوێ باسی بكەم لایەنی سیكورێتی (Security) یەكەیتی، كە لەكاتی دابەزاندنی بەرنامەكە و ئەزموون كردن و تێستكردنی وەك لایەنی تەكنیكی (نەك بەشداریی كردن)، سەرنجی ڕاكێشام و لام بووە جێگەی پرسیار. بەرنامەی پای نێتوەرك، بۆ خۆتۆماركردن بە چەند هەنگاوێكدا دەڕوات، دوای قۆناغی داخڵكردنی ژمارە مۆبایل و كۆدی بانگهێشتنامە و چەند زانیارییەكی تر، داوات لێدەكات بەم مەرجانەش رازی بیت، ئەگەر رازی نەبیت ناتوانی بەشداریی بكەیت. مەرجەكان: ١- دەبێت كۆمپانیاكە ئەو زانیارییانە بزانێت دەربارەی هەموو ئەو هێڵی ئینتەرنێتانەی بە مۆبایلەكەتەوە كۆنێكت دەبێت. ٢- زانینی هەموو ئەو ژمارە مۆبایلانەی لەناو مۆبایلەكەت خەزن كراون. ٣- وەرگرتنی زانیارییەكانی پەیوەندی كردن، بەنموونە ئی مەیڵ، یان هەر وەسیلەیەكی دیكە. ٤- زانینی ئەو زانیارییانەی تۆ وەك بەكارهێنەر چۆن دەستتدەگات بە ریكلام ٥- زانینی سیستمی مۆبایلەكەت (ئەندرۆید، ئای ئۆ ئیس) ٦- زانینی لۆكەیشن (شوێنەكەت چركە بە چركە). ٧- دەستگەیشتن بە هەستیارترین بەشی مۆبایلەكەت ئەویش (log file) كە بەرپرسە لەهەموو ئەو پەیوەندییانەی كردوتن یان بۆت هاتوون، بە وەڵام دانەوەبێت یاخود وەڵام نەدانەوە، بەهەموو كات و بەروارەكانەوە. ٨- دەستگەیشتن بە بەشی میدیا گەلەری مۆبایلەكەت (وێنە، ڤیدیۆ). بەكورتییەكەی وەك ئەوە وایە مۆبایلەكەتی پێببەخشیت و ئەو رێگەت پێبدات چۆن بەكاریبهێنیت! باشە ئەگەر بەرنامەیەك ئەم زانیارییە مەترسیدارانە لە بەكارهێنەرانی داوابكات وەك مەرج، دەبێت چ نیەتێكی لە پشت بێت؟ بۆیە هیچ شتێك شایەنی ئەوەنییە ئەم نهێنییانەی پێببەخشیت. گرنگە پێش بەكارهێنانی هەر بەرنامەیەك ، هۆشیاری لەبارەیەوە وەربگریت.. ئەمە تەنها باسكردنی لایەنی ئاسایش و پاراستنەكەی بوو، دیوەكەی تری با بۆ كەسانی تربێت قسەی لەسەر بكەن.

سوپاستان دەکەم و دەستی ئێوەش خۆش بێت ...

قەت لە خۆت پرسیوە تۆ چۆن بەخۆڕایی فەیسبووك و ئینستاگرام و ئەوانی دیكە بەكاردەهێنی و كەچی سەرمایەی مارك زوكەربێرگ ١٠٠ ملیار دۆلاری تێپەڕاندووە؟ قەت پرسیوتە كێ موشتەریە و كێ كاڵایە لەم تۆڕە كۆمەڵایەتیانە. وەڵامەكە بە ڕوونی ئەمەیە: كۆمپانیا و خاوەن بزنس و كاڵاكان كڕیارن و من و تۆی بەكارهێنەریش كاڵاكەین. واتە وامەزانە تۆ بەخۆڕایی تۆڕە كۆمەڵایەتییەكان بەكاردێنیت، بەڵكو بەنرخترین زانیارییەكانی خۆت لەپێناویدا بەخشیوە كە ئامادەنیت هەندێكجار بە دایك و باوكیشتی بدەیت. یانی ئەوە بزانە لەناو ئەم تۆڕانە كە (كە وەك ماركێتێكی گەورە بێهێنە پێشچاوت) ئەگەر كڕیار نەبیت ئەوا لە ١٠٠٪ كاڵاكەیت. یانی چۆن؟ هەموو شت لەم دونیا بزنسە، سیاسەت، میدیا و هەموو بوارەكان بزنسن. كاتێك تەلەڤزیۆنەكە دەڵێ چاوت لەسەر ئێمە بێ، یان ئێمە تۆمان پێویستە وەك كاڵا بەكارتبهێنین، چونكە ئەگەر تۆ سەیری ئێمە نەكەیت، دەبێ ئێمە تەلەڤزیۆنەكە دابخەین و كەس رێكلام لەلای ئێمە ناكات. كاتێ پەیجێك شت بڵاودەكاتەوە و تۆش لایك و كۆمێنت و شەیر دەكەیت، ئەوە بزنسەكەی ئەو گەورە دەكەیت. یانی فەیسبووك لایك و كۆمێنتی ئێمە دەفرۆشێ بە كڕیارەكان . تۆ خۆت نازانی ئەگینا هەموو لایك و كۆمێنتێكت كە بە سادەیی دەینووسی دەبێتە پارە بۆ خاوەنەكەی، هەموو كلیكێت پارەیە بۆ كەس و لایەنێك. ئەوە وایكردووە داهاتی فەیسبووك بگاتە نیو تریلیۆن دۆلار، ئێستا داهاتی ئەم چوار كۆمپانیا زەبەلاحە (فەیسبووك، ئەپڵ، گوگڵ و ئەمەزۆن) زیاتر لە پێنج تریلیۆن دۆلارە! ئەمەش مەترسیدارتر: هەموو ئەپێك كە تۆ داونلۆدی ئەكەیتە مۆبایلەكەت كۆمەڵێك مەرجی هەیە بۆ ئەوەی بتوانی بەكاریبهێنی، زۆرینەمان بەبێ خوێندنەوەی ئۆكەی دەكەین، ئەو مەرجانە ئەمانەن: رێگەی پێدەدەت بچێتە ناو وێنەكانت، هەموو فایلی دەنگ و رەنگت بە ریكۆرد و هەموو شتەكانەوە، لەكاتێكدا رەنگە ئامادەنەبیت رێگەبدەی باوكت دەستی بگاتە ئەو شتانەت. بێگومان ئەو داتایانەی تۆ بەنرخن، كۆمپانیاكانیش بە گران دەیفرۆشن. ئەی تۆ قەت پرسیوتە بۆچی كە لە گوگڵ و ئەمازۆن و هەر شوێنێكی مۆبایلكەت ئەمشەو سێرچ بۆ هەر كاڵایەك بكەیت، ئیتر بەیانی رێكلامەكانی ناو مۆبایلەكەت دەبن بە بەو كاڵایە. ئێستا ئەمە تاقیبكەوە: لە گوگڵ یان ئەمەزۆن سێرچ بۆ مۆبایلی ئایفۆن یان هەر كاڵەیەكی تر بكە، مەسەلەن بۆ بەتانی بكە، بزانە دوای ئەوە رێكلامەكانی ناو فەیسبووك، توویتەر و ئینستاگرامەكەت نابن بەو شتەی كە سێرچت بۆ كردووە؟ برادەرێك جارێ نووسیبووی، بەبێ ئەوەی بەهیچ جۆرێك لە مۆبایلەكەم سێرچ بكەم، رۆژێك گۆشەی قەنەفەم كڕی لە بازاڕ، كەچی زۆر سەیربوو رێكلامی تۆڕە كۆمەڵایەتییەكانم گۆشەی قەنەفەی پیشاندەدام. یانی ئەو گومانی هەبوو هەرچی بكەی ئەوا دەیزانن، خاوەن ماركێت: كۆمپانیاكانی وەك فەیسبووك و ئەپڵ و ئەمەزۆن كڕیارەكان: كۆمپانیا و حیزب و بزنسەكان كاڵا: بەكارهێنەری ئاسایی و جەماعەتی لایك و كۆمێنت بۆیە ئەو جارەش وتمان، تكایە لایك و كۆمێنت بۆ هەموو شت مەكە، "ئیستفادەی لێناكەیت". حزب و كۆمپانیا و كەسایەتییەك كە رقت لێیەتی بە كۆمێنت نووسین خزمەتی بزنسەكەی ئەو دەكەیت. بۆ نموونە هەر ئەوانەی كە رقیان لە مەلا عەلی كەڵەك، یونس راوی، مەریوان هەڵەبجەیی بوو، هەر ئەوان گەورەیان كردن و بزنسەكەیان پەرەپێدان. بۆیە تكایە ئاگاداری منداڵەكانتان بن، لە كوردستانی خۆمان هیچ شتێك فلتەری نییە، ١٠ ساڵی تر منداڵەكەت هاوڕەگەزباز دەرچوو ئەو كات نابێ گلەیی بكەی كە بە چی وایلێهات، بێگومان بەو ئینتەرنێت و یوتیوب و تۆڕە كۆمەڵایەتیانەی كە بە بێ فلتەر دەیكەنە ئامانج. هەزار سڵاویش لە دینی ئیسلام كە دەڵێ نابێ بە خورپەی دڵیش لەگەڵ ستەمكار و كەسی فەساد بیت، كەچی ئێمە رۆژانە لایك و كۆمێنتیان بۆ دەكەین و زیاتر بزنسەكەیان گەورە دەكەین.

To create a countdown in JavaScript, you can use the setInterval() function to run a function every second and update the countdown. Here's an example: In this code, the countdown() function takes a parameter seconds representing the number of seconds to count down from. The setInterval() function is used to run an anonymous function every second, which decrements the seconds variable, logs the number of seconds left to the console, and checks if the countdown is finished. If the countdown is finished, the clearInterval() function is called to stop the interval from running. Finally, the countdown() function is called with the desired number of seconds (in this case, 10) to start the countdown. You can modify this code to display the countdown in a web page instead of logging it to the console by updating the console.log() statements to update the contents of an HTML element. For example: In this version of the code, an HTML paragraph element with the ID "countdown" is defined. The countdown() function now retrieves this element using the document.getElementById() function and updates its contents using the textContent property. This results in the countdown being displayed on the web page instead of being logged to the console. ببورە کە بە ئینگلیزیە و کاتم نەبوو بیکەمە کوردی و بە هیوای سوود وەرگرتن

وا باشترە لە فۆنتی ئەلی کەی سەمیک دور کەونەوە و کار لەسەر فۆنتی Calibri بکەن بۆ دیزاینەکەش شتێکی سادە و تا ڕادەیەک جوانە و دەستت خۆش بێت

کاک ڕاستی ئەگەر بەڕیوەبەرانی یانە بەشەکانی تایبەت بە پڕۆگرامینگ بکەنەوە ڕیکلامێکی باشی لۆ دەکەم و خۆشم بەشداریم زیاتر دەبێت

سەرت خۆش و بەهیوای سوود بینین .

چۆن لەوانەیە تەكنەلۆژیا نوێیەكان هۆكارێكی سەرەكی لەناوچوونی مسۆگەری هەموو یان زۆربەی بونەوەر و شارستانیەتیە زیرەكەكان بووبن لە نێو گەردوون..؟ بەڵێ بە ئێمەشەوە لە داهاتوودا.!!! تەكنەلۆژیا دەشێت لە نیعمەتەوە ببێتە نەگبەتێكی گەورە، سێ هەرە گرنگترین و نوێترین تەكنەلۆژیا مەترسیدارەكان بە نمونە..! لە نزیكەی سەد ساڵی ڕابردوو مرۆڤ سێ بازدانی زۆر گەورەی ئەنجامداوە لە سێ بواری زانستی و تەكنەلۆژی زۆر گرنگ، هەرسێ بازدان لەوانەیە زۆر مەترسیداربن ئەگەر زۆر زۆر وریا نەبین، دور نیە ببنە هۆی لەناوبردنیشمان، چۆن..؟ یەكەم بازدان لە سەرەتای سەدەی بیستەمەوە لەبواری فیزیا بوو لەسەر دەستی ئەلبێرت ئاینشتاین كە دواتر بووە ئایكۆكەی زانست و پێشكەوتن لە سەدەی بیستەم، ئەو یەكەمجار ئەتۆم و فۆتۆنی دۆزیەوە، دواتر لەڕێگەی بیردۆزەكانی ڕێژەیی گشتی و تایبەتی كلیلی كۆمەڵێك دەرگای داخراویشی دەست كەوت، گرنگترینیان پەیوەندی نێوان ووزە و بارستە بوو ئەویش لە ڕێگەی هاوكێشە بەناوبانگەكەی كە بریتیە لە E = mc²، هەر لە ڕێگەی دۆزینەوەكانی ئەویشەوە بوو توانرا وزەی ناوكی بدۆزرێتەوە و دواتر بۆمبی ئەتۆمی دابهێنرێت بە هەردوو جۆری كە لەڕێگەی لەتبوونی ناوكی و لێكدانی ناوكی كاردەكەن، بەو هۆیەوە ئەمڕۆ مرۆڤ خاوەنی نزیكەی 13 هەزار بۆمب و كڵاوەی ئەتۆمیە لە سەرانسەری جیهان، لە ئەگەری بەكارهێنانی تەنیا كەمێكیان مرۆڤەكان و بڕێكی زۆریش لە ژیان لەناودەچێت لەسەر هەسارەكەمان... دووەم بازدان لەسەرەتای نیوەی دووەمی سەدەی بیستەمەوە دەستی پێكرد، ئەویش بریتی بوو لە بەدیجیتاڵ كردنی زانیاری لەڕێگەی وەرگێڕانی هەر زانیاریەك كە بمانەوێت بۆ كۆدی دووانەیی 0 و 1، ئەمەش لەگەڵ داهێنانی ئینتیگرێت سێركت كە هەر زوو گۆڕا بۆ پرۆسێسەر سەرەتای سەرهەڵدانی زیرەكی دەستكرد بوو، زیرەكی دەستكرد لەم چەند دەیەی داهاتوو ئەوەندە چۆتە پێشەوە ئەگەر هەر ئاوا بڕوات دوای چەند دەیەكی تر لەوانەیە گەلێك لەمرۆڤ بەتواناتر بێت، ئەگەر وریا نەبین زیرەكی دەستكرد لەوانەیە لە نیعمەتێكی گەورەوە ببێتە نەگبەتێكی گەورە و لە قۆناغێكدا مرۆڤ لەناو ببات... سێیەم بازدان كە پێم وایە لەهەموویان مەترسیدارترە، ئەویش پێشكەوتنەكانمانە لەبواری شیتەڵكردن و دەستكاریكردنی جینۆمەكانی مرۆڤ و زیندەوەران كە لەسەرەتای سەدەی بیست و یەكەمەوە دەستی پێكردوە، بە وردیش ئەو بەشەی كە پێی دەوترێت تەكنەلۆژیای CRISPR و خۆی لە ئاڵوگۆڕكردن و دەستكاریكردنی جینۆمەكانی زیندەوەران دەبینێتەوە بە مرۆڤیشەوە، لەم ڕێگەیەشەوە ئەگەر بویسترێت ئێستا دەتوانرێت منداڵ بە خەسڵەتی زۆر تایبەتیەوە لەدایك ببێت و بەرهەم بهێنرێت، بۆ نمونە دەتوانرێت ڕەنگی پێستە و چاو و قژ و هەتا خەسڵەتە بایۆلۆژیە گرنگەكانی تریشی بگۆڕدرێت و گۆڕدرابێت كاتێك لەدایك بووە، بێ گومان ئەگەر ئەوە بكرێت ئەوا ئەو منداڵانە گەورە دەبن و نەوەش دەنێنەوە، ئەمەش واتە كۆنتڕۆلكردن یان گرتنەدەستی دیاردەی بژاردەی سروشتی natural.selection لەلایەن مرۆڤەوە دوای ئەوەی ئەو دیاردەیە بۆ پتر لە 3 ملیار ساڵە بەشێوەیەكی سروشتی كاری خۆی كردوە لەسەر هەسارەكەمان، بۆ ئەوەی بزانن ئەو تەكنەلۆژیایە چەندە مەترسیدارە ئەگەر خراپ بەكاربهێنرێت ئاماژە بە ووتەیەكی سەرۆكی ڕووسیا ڤلادیمێر پوتین دەكەم، كە ئەویش پێش چەند ساڵێك لە پێش چەند سەربازێك بەئاشكرا ووتی: ئێمە لەوانەیە بەسود وەرگرتن لەم تەكنەلۆژیایە بتوانین لەشكرێك لە سەرباز بەرهەم بهێنین كە ئەوەندە جیاواز بن هەست بەئازار نەكەن..! بەڕاستی لە ئێستادا ئاكامەكانی بەكارهێنانی ئەم تەكنەلۆژیایە نوێ و سەرسوڕهێنەرە نازانرێت چی دەبێت لەماوەی درێژخایەن، بەتایبەتی ئەگەر بەهەڕەمەكی یان بە بەرفراوانی بەكاربهێنرێت لە مرۆڤ، هەموو ئەوانەی لەم بوارە شارەزاییان هەیە ئاماژە بە مەترسیداری ئەم تەكنەلۆژیایە دەكەن ئەگەر زۆر وریا نەبین، كێ دەڵێت..؟ لەوانەیە زلهێزەكان لەئێستادا بەنهێنی گەلێك هەنگاوی مەترسیداریشیان نابێت بەو ئاڕاستەیە و ئێمە نەزانین...

چیدی وشەی ئینتەرنێت (Internet) تەنیا موڵكی زمانی ئینگلیزی نییە، بەڵكو بۆتە وشەی هەموو زمانەكانی جیهان. مانای ئینتەرنێت، تۆڕی تۆڕەكانە، چونكە ئەو تۆڕەیە كە توانی هەموو تۆڕەكانی پەیوەندیی لە خۆیدا كۆبكاتەوە، نێودەوڵەتی و ناوخۆیی، تێل و ناتێل، هەموو ئەمانەی لە چوارچێوەی تۆڕێكدا كۆكردۆتەوە، رێگە بە پێكگەیشتن و ئاڵوگۆڕی زانیاری و مەعریفە لە نێوان هەموو خەڵكی دەدات. هەروەها توانیویەتی خزمەتگوزاریی هەمەجۆرەی زانیاری لە بوارە هەمەجۆرەكاندا بگرێتەخۆی، تا دواتر لە رێی تۆڕەكانییەوە بۆ هەموو كەسێكی فەراهەم بكات، جا ئەو كەسە لەهەر كوێیەك بێت، چ لە نووسینگەكەی خۆی یان لە ماڵی خۆی یان هەر شوێنێك دانیشتبێت یاخود لە سەفەردا بێت. بەمەش ئینتەرنێت جیهانی سایبرانی خۆی دەستپێكرد، كە بەشێوەیەكی زۆر كارا و توانایەكی باش و مرونەتێكی بەرزەوە، بۆتە ئامرازێكی سەرەكی جێبەجێكردنی چالاكی وەرگرتن و پێدانی زانیاری. نموونەی شەراكەتێكی كارایە ئینتەرنێت وەك یەكێك لە گرنگترین دەستكەوتەكانی شارستانیی مرۆڤایەتیی سەدەی بیستەم دادەنرێت، زیاد لەوەش لە هەموو داهێنراوەكانی تر كاریگەریی لەسەر مرۆڤ هەیە، لە هەر كوێیەك بێت. ئەو كاریگەرییە بەردەوامە و پشت بە پەرەسەندنی بەردەوام و هاوشانی پێشكەوتنی تەكنەلۆجیا و فراوانبوونی پراكتیزەكردنی ئەو تەكنەلۆجیایە درێژەی دەبێت. ئینتەرنێت تێكەڵەیەكە لە تەكنەلۆجیای پەیوەندیی كە لە ناوەڕاستی سەدەی نۆزدەیەم دەستیپێكرد، لە تەكنەلۆجیای كۆمپیوتەر كە لە ناوەڕاستی سەدەی بیستەم دەركەوت، هەروەها تەكنەلۆجیای بەرنامەسازی و خزمەتگوزارییەكانی كە تەكنەلۆجیای ئەلیكترۆنی رۆڵی لە پێكهێنانیاندا گێڕاوە، كاركردنی ئەو سێیانە پێكەوە، لەمیانی گرتنەبەری رێوشوێنی زیرەك، كە ئێستا ئەو زیرەكییەی لەگەڵ پێشكەوتنی پێدراوەكانی ژیریی دەستكرددا، روو لە هەڵكشانە. چیرۆكی دروستبوونی ئینتەرنێت، شایانی گێڕانەوەیە، نەك تەنیا لەبەر گرنگی و قەبارەی هێزی كاریگەرییەكانی، بەڵكو لەبەر ئەوەی نموونەی شەراكەتێكی كارایە، كە ئەم داهێنانە بەردەوامەی هێنایە بوون، مێژووی سەدەی بیستەم شانازی پێوە دەكات، زۆربەی خواست و ئاواتەكانی داهاتوو پشت بە پەرەسەندنەكانی سەدەی بیست و یەك دەبەستێت. چەندین لایەن رۆڵی لە لەدایكبوونی ئینتەرنێتدا گێڕاوە، كە ئەمانەن: لایەنی پشتیوانی كە بەردەوام بەدواداچوون و چاودێریی پەرەسەندنی كردووە، چ لەسەر ئاستی تاك یان خاوەن تێڕوانینە ئایندەییەكان بێت، زانایانی تۆڕی پەیوەندیی، بەرنامەسازانی تۆڕی پەیوەندییەكان، بەرنامەسازانی ئینتەرنێت و پراكتیزەكردنی و خزمەتگوزارییەكان، هەروەها كۆمپانیاكانی تەكنیكیی جێبەجێكار كە هەوڵی گۆڕینی بیرۆكە و داهێنانە جیهانییەكان بۆ سەر ئەرزی واقیع دەدەن. لەسەرەتای شەستەكانی سەدەی رابردوو، لایەنی سەرەكیی كە پشتیوانی پەرەپێدانی ئەو تۆڕانەی كۆمپیوتەرەكان بەیەكەوە دەبەستێت كردووە، ئاژانسی پڕۆژەكانی توێژینەوەكانی سەر بە وەزارەتی بەرگریی ئەمریكا (ARPA) بوو، مەبەستی ئەو پشتیوانیكردنەی بۆ زامنكردنی باڵادەستی ئەمریكا بوو لە بواری تۆڕەكانی ئینتەرنێتدا، چونكە ئەو تۆڕانە ئەدائێكی ناوازە و گرنگ لە مامەڵەكردن لەگەڵ زانیارییەكاندا پێشكەش دەكەن، ئەو زانیارییانە چ سەربازی بن یان غەیرە سەربازی، ئەو ماوەیە سێ رووداوی گرنگیی بەخۆیەوە بینی: سێ رووداوە گرنگەكە یەكەم رووداویان لە ساڵی 1961 بوو، كاتێك لیۆنارد كلاینرۆك كە كارمەندێكی پەیمانگەی ماساچوس MIT بوو، پێشنیاری تەكنیكێكی نوێی بۆ هاوبەشی لە گواستنەوەی داتاكاندا كرد، ئەویش شێوازی گۆڕینەوەی بــە گــوژمە Packet Switching بوو، بۆئەوەی ببێتە بەدیلی شێوازی گۆڕینی بازنەكان Circuit Switching، كە بۆ قسەكردنی تۆڕەكانی تەلەفۆن و گواستنەوەی داتاكان دیزاین كرابوو. لە ساڵی 1968 ئەو شیوازە نوێیە بە پشتیوانی ئاژانسی ARPA و لەسەر دەستی تیمێكی تەكنیكی كە ناوی تیمی BBN بوو، بە سەركەوتوویی جێبەجێكرا. رووداوی دووەم، ئەو دیدە پڕ ئومێدە بوو، كە جۆزێف لیكلایتەر لە ساڵی 1962 خستیەڕوو، ئەمەش یەكێك بوو لە كارمەندانی پەیمانگەی ماساچوس، ئەم بیرۆكەیە داوای بونیاتنانی تۆڕێكی جیهانی Galactic Network وەك ئەو تۆڕی ئینتەرنێتەی ئێستا. لیكلایتەر وەك یەكەم سەرۆكی بەرنامەی توێژینەوەی كۆمپیوتەر لە ئاژانسی ARPA دامەزرا، رەنگە دامەزراندنەكەی لەسەر بنچینەی ئەو دیدەی بووبێت. رووداوی سێیەم لە ساڵی 1965 بوو، كاتێك لاری رۆبەرتس بە هاوكـاری تـۆمـاس مـیـریـل Thomas Merrill، دوو كۆمپیوتەری گەورەیان بە یەكەوە گرێدا، یەكێكیان لە ماساچووس خۆرهەڵاتی ئەمریكا و ئەویتریان لە خۆرئاوای ئەمریكا لە كالیفۆرنیا بوو، بەمەش یەكەم تۆڕی ئینتەرنێت دامەزرا. لە ساڵی 1969، یەكەم تۆڕی سەر بە ئاژانسی ARPA دامەزرا، كە لە چوار سەنتەری دوور لەیەكی كۆمپیوتەر پێكهاتبوو، كە شێوازی گۆڕینی بە گوژمەی بەكاردەهێنا، لە ساڵی 1970، ئەو گروپەی سەر بە ئاژانس، یەكەم سیستمی كاری ئەو تۆڕە و چۆنێتی كۆنترۆڵكردنی دانا. بەڵام لە سەرەتای ساڵی 1972دا، بە سەرپەرشتی هەریەك لە رۆبەرت كان Robert Kahn سەر بەو ئاژانسە و ڤینت سێرڤ Vint Cerf لە زانكۆی ستانفۆرد، پەرە بەو سیستمە درا. بەمەش سیستمێكی نوێ پەیدابوو، كە بە ناوی پرۆتۆكۆلی كۆنترۆڵكردنی ناردن (ارسال)، پرۆتۆكۆلی ئینتەرنێت TCP/IP ناسرا. لە ساڵی 1983 بەو سیستمە كار كرا، كە بە رۆژی ئاڵا Flag Day دەناسرا. هاوكات ئەمەش سیستمێكی هەڕەمی بۆ ناوی پانتاییەكانی پێگەی تۆڕەكان DNS دیزاین كرا، ئەمەش لەلایەن تیمێكی زانكۆی باشووری كالیفۆرنیا – پەیمانگەی زانستی زانیاری USC-ISI، كە پۆل مۆكاپیتەرس Paul Mockapetris سەركردایەتیی دەكرد. بەرهەمی یەك داهێنەر نییە كۆمپانیا تایبەتەكان لەم پرسەوە دوور نەبوون، لە سەرەتای هەشتاكاندا، ئەم كۆمپانیا تایبەتانە تۆڕە تایبەتییەكانیان دانا، وەك كۆمپانیای IBM، كە تۆڕی بیتنتی BITNET لە ئەمریكا، تۆڕی ئایرن EARN لە ئەوروپا، تۆڕی كەنداو GULFNET لە سعودیە و دەوڵەتانی تری كەنداو دانا. دامەزراوە زانستییەكانی ئەمریكا رەفتارێكی هاوشێوەیان لە دامەزراندنی تۆڕی ئینتەرنێتی تایبەت بە خۆیان دا، وەك تۆڕی زانستی كۆمپیوتەر CSNET، كە دامەزراوەی نیشتمانیی زانست سەرپەرشتی دەكرد NSF. لە سەدەی بیستدا، هەموو ئەو تۆڕانە لەگەڵ تۆڕی ARPA تێكەڵبوون و بەیەكەوە ئینتەرنێتیان پێكهێنا، كە ئێستا لە بەردەستی هەموانە. بەدیهاتنی خزمەتگوزارییەكانی ئینتەرنێت لە رێی ئەوەی بە جاڵجاڵۆكەی جیهانی WWW دەناسرێت لە ئەوروپاوە هات، بەتایبەتیش لە تیم برنرز لی، كە وەك شارەزا لە داتابەیس Databases لە رێكخراوی ئەوروپا بۆ توێژینەوەی ئەتۆمی CERN كاری دەكرد. لە سەرەتای نەوەدەكان، ئەو دەستكەوتەی لەگەڵ ئینتەرنێت تێكەڵكرا، بۆئەوەی هەموان چێژ لە خزمەتگوزاریی زانیاری وەربگرێت، كە بەشێوەیەكی زۆر خێرا لەسەر ئاستێكی فراوان بڵاوبۆوە. خزمەتگوزاریی ئینتەرنێت لەسەرەتای ئەم سەدەیەوە هەنگاوی گەورەی ناوە، بۆ ئایندەش زۆر زیاتر بەرەوپێش دەچێت و ژیریی دەستكردیش بەڕێوە دەبات. ئەمەیە چیرۆكی پەیدابوونی ئینتەرنێت و هاوبەشیكردنی ئەوانی ترە لەو داهێنانەی بەردەوام كراوەیە بە رووی هەمواندا. ئینتەرنێت بەرهەمی یەك داهێنەر نییە، بەڵكو هی كۆمەڵێكە، بە سەرپەرشتی و پشتیوانی یەك لایەنیش نەبووە، بەڵكو چەندینە. هەروەها وێناكردنی ئایندەیشی پشت بە یەك بیرۆكە نابەستێت، بەڵكو بە چەندین بیرۆكەی نوێبووەوە، هەیانە نزیكە و هەیانە نادیارە. ئەوەی راستییە، ئینتەرنێت ئاسۆیەكی فراوانی بێ سنووری لە بەردەمدایە، خزمەتێكی گەورەی مرۆڤایەتی دەكات.

دەست خۆش بۆ بەشداریت ...

سوپاست دەکەم و دەستی تۆش خۆش بێت

سوپاست دەکەم و دەستی تۆش خۆش بێت سوپاست دەکەم و دەستی تۆش خۆش بێت

سوپاست دەکەم و دەستی تۆش خۆش بێت و هەمان پێشنیارم هەیە

گووگڵ سیستەمێکی زیرەکی دەستکرد ڕادەگەیەنێت کە ڕکابەری خزمەتگوزاری بەناوبانگی ChatGPT ی OpenAI دەکات . لە دوای ڕاگەیاندنی خزمەتگوزاری ChatGPT , ئەم دووەمیان ترسێکی زۆری لە دڵی کۆمپانیاکانی وەک گووگڵ دروست کردووە. لە کاتێکدا کۆمپانیاکانی وەک مایکرۆسۆفت هاوکاریان کرد لەگەڵیدا بۆ دابینکردنی ChatGPT لە خزمەتگوزارییەکانی خۆیاندا، وەکو بزوێنەری گەڕانی Bing . و لە قۆناغی کۆتاییدایە، بەگوێرەی گووگڵ، ئێستا خزمەتگوزارییەکە لە دۆخی تاقیکردنەوەدایە، و لە هەفتەکانی داهاتوودا بەردەست دەبێت بۆ هەمووان، وەک گووگڵ خۆی ئاماژەی پێکردووە. (زاراوەی Lamda کورتکراوەی مۆدێلی زمانە بۆ بەرنامەکانی گفتوگۆ ) و کەمترین شت کە دەتوانرێت بەم زمانە وەسف بکرێت "تەکنۆلۆژیایەکی هاوشێوەی مرۆڤە کە وەڵامی هەموو پرسیارەکان دەداتەوە." و گفتوگۆکان کە لەلایەن کەسێکی ئاساییەوە دروستکراون" وەک لەلایەن یەکێک لە ئەندازیارانی پێشووی گووگڵەوە هاتووە. Intelligence Bard لە کۆمپانیای گووگڵەوە تاکە خزمەتگوزاری نابێت کە پشت بە زیرەکی دەستکرد ببەستێت کە لەلایەن گوگڵەوە ڕاگەیەندراوە. هەواڵ بڵاوکراوەتەوە دەربارەی خستنە بازاڕی زیاتر لە ٢٠ خزمەتگوزاری زیرەکی دەستکرد لەلایەن گووگڵەوە بە درێژایی ئەمساڵ. چونکە گووگڵ تەکنیکەکانی زیرەکی دەستکرد لە هەموو خزمەتگوزارییەکانیدا جێگیر دەکات، کە گرنگترینیان بزوێنەری گەڕانی گووگڵە. Bard (کە دەتوانرێت بە چاتبۆتی AI یان Chatbot ی زیرەک هەژمار بکرێت) بەکارهێنەران دەتوانن چاتی وەک ChatGPT دروست بکەن و پرسیار بکەن و لە ڕێگەیەوە وەڵامی لۆژیکی بەدەست بهێنن. دیزاین کراوە بۆ گەڕان بەدوای هەموو ئەو زانیاریانەی کە لە ئینتەرنێتدا بەردەستن (و گووگڵیش هەیەتی) و بۆ ئەوە دروست کراوە کە بە شێوەیەکی زیرەک وەڵامی پرسیارەکان بداتەوە. نزیکترین نموونە لەوەی کە Bard دەتوانێت بیکات ChatGPT ە کە هاوشێوەی دەبێت، و ڕکابەرێکە لە بواری پیشەسازیدا. بەڕێوەبەری جێبەجێکاری کۆمپانیای گووگڵ (ساندەر پیچای) لە پۆستەکەیدا دەڵێت: ئینتلێجنس بارد هەوڵدەدات تواناکانی فێربوون لە مرۆڤ و ئەو زانیاریانەی کە لە ئینتەرنێتدا بەردەستن تێکەڵ بکات. ئەمەش لە ڕێگەی مۆدێلی زمانەوەیە کە لەلایەن گووگڵەوە پەرەی پێدراوە. هەروەها بەڕێوەبەری جێبەجێکار ئاماژەی بە هێزی ئەم زیرەکییە دەستکردە کرد و وتی کە ئەم زیرەکییە بوێرانە و بەرپرسیارە لەو زانیاری و وەڵامانەی کە پێشکەشی بەکارهێنەر دەکات. ڕەنگە Bard AI هەندێک سنوورداری هەبێت هەرچەندە تەنها وەک ChatGPT . پرسیارە سیاسییەکان، پرسیارەکانی ڕەگەزپەرستی، سێکسیزم و هتد، بارد ئەی ئای لە وەڵامدانەوەی بێزار دەبێت. ئەگەر پرسیارت هەیە کەی بارد بڵاودەکرێتەوە , گووگڵ ئاماژەی بەوە کردووە کە خزمەتگوزارییەکە بە وەشانی Lightweight بەردەست دەبێت دوای چەند هەفتەیەک، و پاشان وەشانی تەواو دوای ئەوە. وەشانی lite خێراتر بۆ هەمووان بەردەست دەبێت ، بە پێچەوانەی وەشانی تەواو. لە کۆتاییدا پێویستە ئاماژە بەوە بکرێت کە گووگڵ زیاتر لە جارێک ئاماژەی بەوە کردووە کە تەکنەلۆژیاکانی بارد بخاتە ناو بزوێنەری گەڕانی گووگڵەکەیەوە. ئەمەش لە هەنگاوێکدا دژی مایکرۆسۆفتە کە تەکنەلۆژیاکانی ChatGPT ی لە بزوێنەری گەڕانی Bing زیاد کردووە .

دەست خۆش بۆ بەشداریت و بۆ تێبینیەکەت ...

سەرت خۆش برا

پەیوەندی بە وڵاتەکەوە هەیە و لە ئێستادا بە پڕۆ یانی بە پارە بەردەست کراوە بۆ زۆربەی وڵاتان و زۆر تایبەتمەندی و داتای نوێی تێدایە و ئەوەی ئێمە بەکاری دەهێنین داتاکانی کۆنن

فایلی Srt بە Notepad بکەوە و هەموو تێکستەکان کۆپی بکە و لە ناو فایلێکی وۆرد پەیست بکە و فایلە ۆوردەکە ترانس لەیت بکە و دواتر هەمان تێکستی ناو فایلە ۆردەکەوە کۆپی بکە و لە ناو فایلی سەرەکەی Srt دابنێ و بەو جۆرە کێشەکەت چارەسەر دەبی .

لە https://translate.google.com/ بڕۆ سەر بەشی Document و فایلە SrT ئاپڵۆد بکە و زمانی کوردی دیاری بکە و خۆی ترانس لەیت دەکات

کاک دەشتی سود لەو بەستەرە ببینە . زۆر بوو و کاتم نەبوو هەمووێ کۆپی بکەم کلیک بکە

ئایه‌ منداڵه‌كانیش ئه‌توانن فێری پڕۆگرامسازی ببن و ببنه‌ پڕۆگرامه‌ر؟ ئه‌م بابه‌ته‌ی ئێستا باسی لێوه‌ ده‌كه‌ین یه‌كێكه‌ له‌ گرنگترین بابه‌ته‌كان كه‌ تاوه‌كو له‌ كوردستان و عێراق گرنگیه‌كی ئه‌و تۆی پێنه‌دراوه‌ ئه‌ویش ئه‌یه‌ویه‌ كه‌ چۆن چۆنی به‌ دروستی منداڵه‌كان فێری پڕۆگرامسازی بكه‌ین ئێسته‌ش ئه‌گه‌ڕێنه‌وه‌ بۆ وه‌ڵامدانه‌وه‌ی ئه‌و پرسیاره‌ی كه‌ له‌سه‌ره‌تاوه‌ كردمان به‌ڵێ به‌دڵنیایه‌وه‌ ئه‌توانین منداڵه‌كان فێری پڕۆگرامسازی بكه‌ین كه‌ له‌ ئێستادا ته‌كنه‌لۆژیا به‌ڕاده‌یه‌ك پێش كه‌وتوه‌ كه‌ منداڵه‌كانیش ببێش نه‌كراون له‌وی زمانی تایبه‌تیان بۆ دابنرێـت كه‌ له‌ ئێستا له‌سه‌رانسه‌ری جیهان و به‌تایبه‌تی وه‌ڵاته‌ پێشكه‌وتوه‌كان چه‌نها توڵ و زمانی جیاوازی پڕۆگرامسازی داهێناره‌وه‌ تاوه‌كو منداڵه‌كان فێری پڕۆگرامسازی بكه‌ن. ئێمه‌ش له‌م پۆسته‌دا زانیاریه‌كانتان له‌سه‌ر شێوه‌ی پرسیار و وه‌ڵام ئه‌خه‌ینه‌ ڕوو: ئایه‌ منداڵه‌كان ده‌توانن له‌چه‌ند ساڵیه‌وه‌ فێری پڕۆگرامسازی بن؟ زۆربه‌ی سه‌رچاوه‌كان ئاماژه‌ بۆ ئه‌وه‌كه‌ن كه‌ منداڵه‌كان ئه‌توانن له‌ 5 ساڵی بۆ 6 ساڵی ده‌ست به‌و بواره‌ بكه‌ن به‌ڵام ئه‌وه‌ی له‌گه‌ڵ كۆمه‌ڵگه‌ی ئێمه‌ ئه‌گونجێت ئه‌وه‌یه‌ كه‌ منداڵه‌كان له‌ 7 ساڵی به‌ره‌و سه‌ره‌وه‌ ئه‌توانن فێری بنچیه‌نه‌كانی پڕۆگرامسازی ببن ئایه‌ پێویست ئه‌كات منداڵه‌كان فێری پڕۆگرامسازی ببن؟ به‌دڵنیایه‌وه‌ به‌ڵێ چونكا پڕۆگرامسازی به‌تایبه‌تی بۆ منداڵه‌كان چه‌نها سوودی فره‌چه‌شنه‌ی هه‌یه‌ كه‌ هه‌نه‌ندێكیش له‌وسودانه‌ له‌مانه‌ خۆیان ئه‌بینێته‌وه‌ 1-فێربوونی پڕۆگرامسازی وا له‌منداڵه‌كان ئه‌كات كه‌ له‌ته‌مه‌نێكی كه‌مه‌وه‌ بتوانن چاره‌ بۆ ئه‌و كێشانه‌ بدۆزنه‌وه‌ كه‌ له‌ ڕۆژانه‌دا توشیان ئه‌بێـت. 2-پڕۆگرامسازی وا له‌منداڵه‌كان ئه‌كات كه‌ له‌ بواری بیركاریدا باشترێك ببن 3-پڕۆگرامسازی هانی منداڵه‌كان ئه‌دات تاوه‌كو به‌رده‌وام بن له‌و شتانه‌ی ئه‌یكه‌ن 4-پڕۆگرامسازی منداڵه‌كان فێری داهێنان ئه‌كات 5-پڕۆگرامسازی بۆ منداڵه‌كان یارمه‌تیان ئه‌دات كه‌ له‌ داهاتوودا پیشه‌یه‌كی باش بۆخۆیان بۆدزنه‌وه‌ 6-یارمه‌تی باشتركردنی په‌یوه‌ندیه‌ كۆمه‌ڵایه‌تیه‌كانی منداڵه‌كان ئه‌دات باشه‌ ئایه‌ بواری پڕۆگرامسازی بۆ منداڵه‌كان قورس نیه‌؟ ئه‌گه‌ر چه‌ند ساڵێك له‌مه‌وپێش ئه‌و پرسیاره‌ بكرایه‌ ئه‌وا ئه‌مان وت به‌ڵێ زۆر قورسه‌ به‌ڵام له‌گه‌ڵ به‌ره‌و پێشچوونی بواره‌كه‌ ئه‌وا چه‌نها سه‌رچاوه‌ی به‌نرخ هاتوونه‌ته‌ مه‌یدانه‌وه‌ كه‌ به‌ئاسانی منداڵه‌كان فێری پڕۆگرام سازی ئه‌كه‌ن باشترین سه‌رچاوه‌ و زمانه‌كان چین تاوه‌كو منداڵه‌كان فێری پڕۆگرامسازی لێوه‌ ببن؟ له‌گه‌ڵ فراوانبوونی بواره‌كه‌ ئه‌وا چه‌نها سه‌رچاوه‌ی فره‌چه‌شنه‌ هه‌یه‌ كه‌ هه‌ندێكیان به‌خۆڕای خزمه‌ت ئه‌كان و هه‌ندێكیان له‌به‌رامبه‌ر بڕێك پاره‌ منداڵه‌كان فێر ئه‌كان له‌دیاترین ئه‌و سه‌رچاوه‌ و زمانانه‌: 1-Scratch 2-Stencyl 3-Code Monkey 4-Tynker ئه‌و شتانه‌ چین كه‌ منداڵه‌كان ئه‌توانن به‌ پڕۆگرامسازی دروستی بكه‌ن؟ -زیره‌كی ده‌ستكرد -یاری -ئه‌نیمه‌یشن

لە ئێستا دا زاراوە تەکنەلۆژیاییەکان ژیانی هەمووانی تەنیوە، بەشێک لەو ناوانە واتاکانیان دیار و ڕوونە ، لەگەڵ ئەوەش دا بەشێکیان لێیان تێناگەین و نازانین ماناکانیان چین، ڕەنگە کورتکراوە یاخود مانایەکی تایبەتی یاخود وشەگەلی دارێژراوبن ماوس داهێنەری ماوسی کۆمپیوتەر ، دۆگلاس ئینگێلبەرت ـە ، لە ساڵی ١٩٦٨ دا لە کۆنگرەیەک کە سازکرا بوو بۆ نمایشکردنی داهێنانەکەی ووتی نازانم ئەم ناوەمان لە کوییوە هێناوە ،وە ووتی شێوەی لە مشک دەچیت و کلکێکی هەیە کە کێبڵی گەیاندنەکەیەتەی لەبەر ئەوە لە کارگە بەم ناوەوە ناو نراوە بلۆگ بلۆگ ئەو شوێنەیە کە خەڵکی بۆچون و توانای خۆیانی تێدا بڵاودەکەنەوە ، سەرچاوەی وشەی بلۆگ ، وێب لۆگ ـە ، کە ئەم ناوەش جۆرن بارگر لە ساڵی ١٩٩٧ کە ماڵپەڕە تایبەتیەکەی خۆی وا ناو دەبرد ، وەکو تۆمارێک بەکاری دەهێنا كوكيز كوكيز - شەکرۆکەی ئینتەرنێت Cookies ، بریتین لەو پەڕگە و فایلانەی کە هەر ماڵپەڕێک کاتێک سەردانی دەکەی دایدەبەزێنێتە سەر کۆمپیوتەرەکەت، بە مەبەستی هەڵگرتن و پاراستنی کۆمەڵێک زانیاری دیاریکراو، کە جاری داهاتوو سەردانی ماڵپەڕەکە دەکەیتەوە ئاسانکاری دەکات و دەتناسێتەوە، بنەچەی ئەم وشەیە لە ماجیک کوکیزەوە هاتووە، کە "لۆو مۆونتلی" لە یەکێک لە کاتی وانە وتنەوەکانی دا لە زانکۆ بیستبووی ئەم ناوەی بەکارهێنا. سپام سپام، زۆربەمان دووچاری ئەم جۆرە نامە بیزارکەرە بووینەوتەوە کە لە ڕێگەی ئیمێڵەوە پێمان دەگات. بنەچەی وشەکە لە پرۆگرامێکی کۆمیدی تەلەڤیزیۆنییەوە هاتووە، کە پیاوێک لە چیشتخانەیەک کاردەکا، هەموو جارێک داوای جۆرە گۆشتێکی ئامادەکراو دەکرێ بە ناوی سپام Spam ، ئەمە لە ئینتەرنێت دا تەشەنەی سەند و ئیمێڵە وەرزکارەکان کە زۆر دووبارە دەبنەوە و بێ هۆ پێمان دەگەن ناو نرا سپام. ڕۆبۆت بنەچەی ئەم وشەیە لە شانۆگەرییەکی خەیاڵی زانستییەوە هاتووە، کە نوسەری چیکی کارڵ کاپێک نوسیویەتی لە ساڵی ١٩٢١ دا باسی کارگەیەکی مرۆڤی دەستکرد دەکا کە دەیانەوێ جیهان داگیربکەن و دەست بەسەر هەموو شت بگرن. بەگ بنەچەی ئەم وشەیە دەگەڕێتەوە بۆ ساڵی ١٩٤٧ کاتێک ئەندازیار گارسی هۆپەر جانەوەرێکی مردوی بینیوە لە ناو یەکێک لە کۆمپیوتەرە گەورەکانی ئەوسا ، لەو کاتەوە هەر کێشەیەک لە ناو سیستەمی کۆمپیوتەر هەێت پێی دەوترا - بەگ - بەر لەوەش لە لایەن ئەدیسۆن ـەوە ئەم وشەیە بەکارهێنراوە لە باسکردنی هەڵەیەک لە ئامێری تەلەگرامەکەی دا یاهوو ناوی بزوێنەری گەڕۆکی بەناوبانگ یاهوو لە بنەچەدا لە کورتکراوەی ئەم رستەیەوە هاتووە Yet Another Hierarchical Officious Oracle هاکەر لە سەرەتای سەرهەڵدانی تەکنەلۆژیا دا هاکەر وشەیەکی خراپ نەبوو، بەڵکو مانای زیرەکی و توانا و بەهرە بوو لە بواری ئەلیکترۆنیات دا، بنەچەی وشەکە لە کتێبی وە هاتووە، کە لە چەند ڕستەیەک دا ئەم وشەیە بەکاربراوەPiracy Cultures سکایپ خزمەتگوزاری سکایپ بریتیە لە ڕێکخستنی پەیوەندی لە نێوان بەکاربەران دا بە شیێوەی خاڵ بۆ خاڵ ، لەسەر ئەم بنەمایە بڕیایان دا ناوی پرۆژەکە بنێن Sky Peer-to-Peer دواتر ناوەکە کورتکرایەوە بۆ تەنها سکایپ

سوپاس کاک دەشتی بۆ پێشنیارەکەت ...

دەستی تۆش خۆشبێت بە ڕوونکردنەوەکەت بابەتەکەت جوانتر کرد ...

Keras کتێبخانەیەکی سەرچاوە کراوەی ئاستی بەرزە ، کە بە زمانی پایتۆن نووسراوە توانای ئەوەی هەیە لەسەر Theano، TensorFlow، یان CNTK کاربکات. لەلایەن یەکێک لە ئەندازیارانی گووگڵەوە پەرەی پێدراوە کە ناوی فرانسوا چۆلێتە. بەکارهێنەر دۆست و درێژکراوە و مۆدیۆلار کراوە بۆ ئاسانکاری تاقیکردنەوەی خێراتر لەگەڵ تۆڕەکان. نەک تەنها پشتگیری لە تۆڕەکانی پێچاوپێچ و تۆڕە دووبارەبووەکان دەکات بە تاک بەڵکو پشتگیری لە تێکەڵکردنیان دەکات. ناتوانێت مامەڵە لەگەڵ حیساباتی ئاستی نزمدا بکات، بۆیە بۆ چارەسەرکردنی سوود لە کتێبخانەی Backend وەردەگرێت. کتێبخانەی پاشکۆ وەکو پێچەری API ئاستی بەرز و نزم کاردەکات، کە ڕێگەی پێدەدات لەسەر TensorFlow، CNTK، یان Theano کاربکات. سەرەتا لە کاتی دەستپێکردنیدا زیاتر لە ٤٨٠٠ بەشداربووی هەبووە، کە ئێستا گەیشتووەتە ٢٥٠ هەزار گەشەپێدەر. گەشەی 2X ی هەیە لەو کاتەوەی هەموو ساڵێک گەشە دەکات. کۆمپانیا گەورەکانی وەک مایکرۆسۆفت، گووگڵ، ئێنڤیدیا و ئەمازۆن چالاکانە بەشدارییان لە پەرەپێدانی کیراسدا کردووە. و لە پەرەپێدانی کۆمپانیا بەناوبانگەکانی وەک نێتفلێکس، ئۆبەر، گووگڵ، ئێکسپێدیا و هتد بەکاردەهێنرێت. چی وایکردووە کەراس تایبەت بێت؟ - گرنگیدان بە ئەزموونی بەکارهێنەر هەمیشە بەشێکی سەرەکی بووە لە کیراس. - فرە باکئەندێکە و پشتگیری لە فرە پلاتفۆرم دەکات، ئەمەش یارمەتی هەموو ئینکۆدەرەکان دەدات کۆببنەوە بۆ کۆدکردن. - ئاسانە بۆ تێگەیشتن لە هەموو چەمکەکان. - پشتگیری لە پرۆتۆتایپی خێرا دەکات. - بە شێوەیەکی بێ کێشە لەسەر CPU و هەروەها GPU کاردەکات. - ئازادی دیزاینکردنی هەر تەلارسازییەک دابین دەکات، کە دواتر وەک API بۆ پڕۆژەکە بەکاردەهێنرێت. - بەڕاستی زۆر سادەیە بۆ دەستپێکردن و کارکردن لەسەری . - بەرهەمهێنانی ئاسانی مۆدێلەکان لە کیراس تایبەت دەکات. ئەزموونی بەکارهێنەری کیراس Keras is an API designed for humans باشترین پراکتیزەکان لەلایەن کیراسەوە پەیڕەو دەکرێن ، دڵنیابوون لەوەی کە مۆدێلەکان یەکدەنگن، و APIیە هاوبەشەکان سادەن. Not designed for machines Keras فیدباکێکی ڕوون دەدات لەسەر ڕوودانی هەر هەڵەیەک کە ژمارەی کردارەکانی بەکارهێنەر بۆ زۆربەی حاڵەتەکانی بەکارهێنانی باو کەم دەکاتەوە. Easy to learn and use. Highly Flexible Keras ئاستێکی بەرز بۆ هەموو گەشەپێدەرەکانی دابین دەکات بە یەکخستنی زمانە فێرکارییە قووڵەکانی ئاستی نزم وەک TensorFlow یان Theano، کە دڵنیای دەدات لەوەی هەر شتێک بە زمانی بنەڕەتی بنووسرێت دەتوانرێت بە زمانی Keras جێبەجێ بکرێت. چۆن کێراس پشتگیری لە فرە باکئەند و فرە پلاتفۆرم دەکات؟ دەتوانرێت Keras بە زمانی R و هەروەها زمانی Python پەرەی پێبدرێت، بەجۆرێک کە کۆدەکە دەتوانرێت بە TensorFlow، Theano، CNTK، یان MXNet بەپێی پێویست بەڕێوەبچێت. دەتوانرێت کیراس لەسەر CPU، NVIDIA GPU، AMD GPU، TPU و هتد کاری پێ بکرێت. دڵنیای دەدات لەوەی کە بەرهەمهێنانی مۆدێلەکان بە Keras بەڕاستی سادەیە چونکە بە تەواوی پشتگیری لە کارکردن دەکات بە خزمەتگوزاری TensorFlow، خێراکردنی GPU (WebKeras, Keras.js)، ئەندرۆید (TF، TF Lite)، iOS (Native CoreML) و Raspberry Pi. کیراس باکێند کێراس کە کتێبخانەیەکی ئاستی مۆدێلە یارمەتیدەرە لە پەرەپێدانی مۆدێلی فێربوون بە پێشکەشکردنی بیناسازی ئاستی بەرز. هەموو حیساباتە ئاست نزمەکان وەک بەرهەمەکانی Tensor و convolutions و هتد. لەلایەن خودی کێراسەوە مامەڵەیان لەگەڵدا ناکرێت، بەڵکو پشت بە کتێبخانەیەکی تایبەتی دەستکاریکردنی تەنسۆر دەبەستن کە باشتر کراوە بۆ ئەوەی وەک بزوێنەری باکئەند خزمەت بکات. کێراس ئەوەندە بە تەواوی بەڕێوەی بردووە کە لەبری ئەوەی یەک کتێبخانەی تەنسۆر لەخۆبگرێت و کارەکانی پەیوەست بەو کتێبخانە تایبەتە ئەنجام بدات، پەیوەندیکردنی بزوێنەری جیاوازی باکئەند پێشکەش دەکات بۆ ناو کیراس. کیراس لە سێ بزوێنەری باکئەند پێکهاتووە کە بەم شێوەیەن: - TensorFlow TensorFlow بەرهەمێکی گووگڵە، کە یەکێکە لە بەناوبانگترین ئامرازەکانی فێربوون کە بە شێوەیەکی بەرفراوان لە بواری توێژینەوەی فێربوونی ئامێر و تۆڕی قووڵدا بەکاردەهێنرێت . لە ٩ی تشرینی دووەمی ٢٠١٥ لە ژێر مۆڵەتی ئەپاچی ٢.٠ هاتە بازاڕەوە. بە شێوەیەک دروست کراوە کە بە ئاسانی دەتوانێت لەسەر چەندین سی پی یو و جی پی ی و هەروەها لەسەر سیستەمی کارپێکردنی مۆبایل کار بکات. پێکهاتووە لە پێچەرە جۆراوجۆرەکان بە زمانە جیاوازەکانی وەک جاڤا، سی++، یان پایتۆن. - Theano تیانۆ لە زانکۆی مۆنتریال لە کیوبیک لە کەنەدا لەلایەن گروپی MILA پەرەی پێدراوە. کتێبخانەیەکی سەرچاوە کراوەی پایتۆنە کە بە شێوەیەکی بەرفراوان بەکاردەهێنرێت بۆ ئەنجامدانی کارەکانی بیرکاری لەسەر ڕیزبەندییە فرەڕەهەندییەکان بە تێکەڵکردنی scipy و numpy. GPU بەکاردەهێنێت بۆ حیسابکردنی خێراتر و بە شێوەیەکی کارا گرادێنتەکان حیساب دەکات بە دروستکردنی گرافیکی هێما بە شێوەیەکی ئۆتۆماتیکی. زۆر گونجاوە بۆ دەربڕینە ناجێگیرەکان، چونکە سەرەتا بە شێوەیەکی ژمارەیی چاودێرییان دەکات و دواتر بە ئەلگۆریتمەکانی جێگیرتر حیسابیان دەکات. - CNTK مایکرۆسۆفت چوارچێوەی سەرچاوە کراوەی فێربوونی قووڵە. پێکهاتووە لە هەموو بلۆکە بنیاتنەرە بنەڕەتییەکان، کە پێویستن بۆ پێکهێنانی تۆڕ . مۆدێلەکان بە بەکارهێنانی C++ یان Python دروستکراون ، بەڵام C# یان Java لەخۆدەگرێت بۆ بارکردنی مۆدێلەکە بۆ پێشبینیکردن. سوودەکانی کیراس کیراس ئەم سوودانەی خوارەوە لەخۆدەگرێت کە بەم شێوەیەن: - زۆر ئاسانە بۆ تێگەیشتن و جێگیرکردنی خێراتری مۆدێلەکانی تۆڕ. - پشتگیرییەکی گەورەی هەیە لە بازاڕدا چونکە زۆربەی کۆمپانیاکانی AI ئارەزووی بەکارهێنانی دەکەن. - پشتگیری لە multi backend دەکات، واتە دەتوانیت هەر یەکێکیان لە نێوان TensorFlow و CNTK و Theano بەکاربهێنیت لەگەڵ Keras وەک باکئەند بەپێی پێویستی خۆت. - بەو پێیەی کە جێگیرکردنێکی ئاسانی هەیە، پشتگیری بۆ cross-platform یشی هەیە. ئەمانەی خوارەوە ئەو ئامێرانەن کە دەتوانرێت کێراس لەسەریان جێگیر بکرێت: - - iOS with CoreML - - Android with TensorFlow Android - - Web browser with .js support - - Cloud engine - - Raspberry pi - پشتگیری لە Data parallelism دەکات، ئەمەش واتە دەتوانرێت Keras لەسەر چەندین GPU بەکاربهێنرێت لە نموونەیەکدا بۆ خێراکردنی کاتی ڕاهێنان و پرۆسێسکردنی بڕێکی زۆر لە داتا. زیانەکانی کیراس تاکە زیانەکەی ئەوەیە کە Keras چینەکانی پێشوەختەی خۆی هەیە و ئەگەر بتەوێت چینێکی ئەبستراکت دروست بکەیت، ڕێگەت پێنادات چونکە ناتوانێت مامەڵە لەگەڵ API ئاست نزمەکاندا بکات. تەنها پشتگیری لە API ئاستی بەرز دەکات کە لە سەرەوەی بزوێنەری پاشکۆ (TensorFlow, Theano, و CNTK) کاردەکات. بە هیوای سوود وەرگرتن و لەهەر هەڵەیەک بمبورن