جیاوازی چیە لە نێوان nParticle و مایا و PFlow ی سریدی ماکس

[Taban]

زۆر دەمێکە بە دوای Particle System ێکی بەهێز دا دەگەڕێم بۆ هەندێک کاری VFX و ڕیکڵام، دوای گەڕانم دوو پارتیکڵ سیستمی بەهێزم بە دی کرد کە یەکێکیان لە بەرنامەی ماکس دایە و ەوی تریان لە بەرنامەی مایا دایە، بۆیە دەمەوێ بزانم کامیان بەهێزترن و جیاوازیان چیە؟

هیوادارم بتوانن یارمەتیم بدەن.

 

 

[Dashty]

پرسیارێکی بەجێیە،

nParticle کە لە بەرنامەی مایا دا هەیە بەشێکە لە داینامیک سیستمی مایا کە بە تەواوی لە گەڵ گشت بەشەکانی تری وەک Cloth و  Rigid Body و Fluid System دا کارلێک دەکەن و بەشێکی زۆر بەهێزی بەرنامەی مایا پێک دەهێنن، هەرچی Particle Flow یشە کە لە بەرنامەی سریدی ماکس دا هەیە پریتیە لە سیستمێکی سەربەخۆی پارتیکڵ و بە سەربەخۆیی کار دەکات و بۆ ئەوەی کارلێک بکا لە گەڵ بەشەکانی تری بەرنامەکە دا پێویستە Define ی بکەی بۆی و هەندێک جاریش کارلێ کردنەکە زۆر ئەستەمە. بۆیە بە ڕای من Particle System ی مایا زۆر بەهێزترە.

بەڵام Plugin ێکی زۆر بەهێزی ماکس هەیە بە ناوی Thinking Particles کە زۆر بەهێزە و تواناییەکی لە ڕادە بە دەری هەیە.

بە ڕای من لە گەڵ nParticle یان Thinking Particle دا بڕۆی باشترە.

 

هیوادارم وەڵامەکەم سودی هەبێت.

[سەرمەد]

بە ڕای من Thinking Particle باشترین بژاردەیە لە زۆر ڕوەوە.

[خەڵات جەلال]

کاک دەشتی ڕونکردنەوەیەکی جوانی داوە لە سەر ئەو پرسیارە، وەک زیاد کردنێک بۆ وەڵامەکەی کاکە دەشتی: ئەگەر بێت و بەراورد بکەین لە نێوان nParticle و Particle Flow دا دەبینین کە nParticle بە تەواوی physx Based ە و Particle Flow لەم دواییانە mParticle ی بۆ زیاد کرا کە ئەویش بە هەمان شێوە پشتی بەستوە بە physx، بەڵام بە شێوەی گشتی nParticle بەهێزتر و جێگیر ترە.

 

[کارێز]

بێجگە لە بەرنامە سریدیەکان، بەرنامەی ئافتەر ئیفێکتیش Particle Engine ێکی بەهێزی هەیە بە ناوی Trapcod Particular کە بە شێوەی پڵەگین دادەبەزێنرێت بۆ بەرنامەکە و کاری زۆر نایابی پێ دەکرێت و لە لایەن زۆرێکی لە کەناڵە تەلەڤیزیۆنیەکانەوە بە کار دەهێنرێت ، لەوانە NRT و Rudaw و KurdSAT و چەندینی تریش .

 

 

لە 8 ئازاری 2016 گۆڕانكاری تێدا كراوە لە لایەن کارێز