بؤچی Revit بەکارناهێنن لەجیاتی Autocad

[Benjamin]

سڵاو هاوڕییان،

دەبیستم کە هیشتا پرۆگرامی AutoCAD زیاتر بەکاردێت وەك لە Revit لە کوردستان، لە کاتێکدا AutoCAD تەنها سەپۆرتی  2D ئەکات. باشتر وانیە Revit بەکاربهێنن کە دەتوانێت لە هەمانکاتدا کارەکانی بە شێوەی 3D بخاتە ڕوو تا بتوانیت بە ئاسانترین شێوە ڕووکاری بیناکەت دیزاین بکەیت؟

[خەڵات جەلال]

قسەکانی بەڕێزت زۆر ڕاستن، لێرەش زۆر کەس وا خەریکن کە کار بە ڕیڤیت دەکەن بەڵام هێشتا بەکارهێنەری ئۆتۆکاد زیاترە لە ریڤیت. ئەمەش کاتی دەوێت تا زیاتر لە خەڵکی پێی ئاشنا بن.

من خۆم یەکێکم لە بەکارهێنانی ڕیڤیت و ماوەی زیاتر لە دوو ساڵە بە کاری دەهێنم.

 

بابەتێکی جوانت وروژاندوە، سەرکەوتوو بیت.

[Darin]

پڕۆگرامی ڕیڤیت یەکێکە لە پڕۆگرامە بەهێزەکانی دیزاینی تەلارسازی کە بە شێوەی (BIM) کار دەکات و لە پێشەنگیاندایە، بەڵام بە ڕای من ناتوانرێت ئۆتۆکاد و ڕیڤیت بە یەکەوە بەراورد بکرێت، لە بەر ئەوەی هەر یەکەیان لە بوارێکدا لە پێشەنگیدایە، من خۆم ڕیڤیتم بە کار هێناوە و ئێستاش بە کاری دەهێنم، بەڵام ئەم کێشانە هاتنە بەر دەمم:

• زۆربەی شێواز و فامیلیەکانی تایبەتن بە ئەمریکا و کەنەدا یان ئەڵمانیا لە ئەوروپا کە ئەو سیستمە بۆ کوردستان بە قورسە دەتوانرێت بگونجێنرێت و پێویستە فامیلی تایبەت بە خۆت دروست بکەی کە ئەوەش تا ڕادەیەک قورس دەبێت، هەر چەند تێبینیم کردوە ستایڵی بیناسازی لە عێراقدا زیاتر لە سیستمی تورکی دەچێت.
• بۆ هەموو کارێک پێویستت بە سریدی یان BIM نیە، هەندێک کار تەنها شتێکی سادەت دەوێ کە بە خێرایی ئەنجام بدا بە دەستەوە، لەو کاتانەیا ئۆتۆکاد کافیە و بە خێرایش ئەنجام ئەدا بە دەستەوە.
• بۆ سکێچی سەرەتایی ئۆتۆکاد پێشنگی هەیە تێیدا و زۆر بە ئاسانی دەتوانی کاری لە سەر بکەی و بە تایبەتیش گونجاندنی لە گەڵ WACOM دا بۆ ئەوانەی ئەو ئامێرەیان هەیە.

[خەڵات جەلال]

ئەو تێبینیانەی بەڕێز دارین لە جێی خۆیدایە، ڕاستە ئەوانەی باسی لێوە کردون چەند کێشەیەکی ترن کە ڕوبەڕووی زۆربەی ئەوانە دەبێتەوە کە BIM بەکار دەهێنن.

[سەرمەد]

ئەوەندەی من ئاگام لێی بێت، ئێستا زۆر کەس لە کوردستان بەکاری دەهێنن.