زانستی بەکارهێنانی ڕەنگ لە دیزاینی ناوەوە دا

[hemn.wali]

زانستی بەکارهێنانی ڕەنگ لە دیزاینی ناوەوە دا

دیزاینی ناوەوە (Interior Design) یەکێکە لە بەشە هەرە گرنگەکانی هونەری تەلارسازی کە دەتوانرێت بورتەێت زانستێکی تەواو سەربەخۆیە و لە گەڵ هونەری تەلارسازی دا یەک دەگرن، کە ئەمیش وەکو گشت زانستەکانی تر چەند یاسا و ڕێسایەکی تایبەت بە خۆی هەیە کە ئەگەر بێت و ئەویاسایانە یان هاوکێشانە پەیڕەو نەکرێت ئەوا دیزاینەکە بە هەڵە دا دەڕوات و دەتوانین بڵێین کە شکست دەهێنێت.

 

لە گرینگترین ئەو خاڵانەی کە پێویستە لە دیزاینی ناوەوە دا جێبەجێ بکرێت:

• گونجاندنی شێوەی دیزاینەکە لە گەڵ کار (Function) ی شوێنەکە: ئەمەش یەکێکە لە خاڵە هەرە گرنگەکان کە پێویستە ڕەچاو بکرێت لە دیزاینی ناوەوە دا ئەمیش بە گونجاندنی شێوازی دیزاینەکە و ئەو شکڵ و شێوانەی کە بەکار دەهێنرێن لە دیزاینی ناوەوە دا لە گەڵ کاری شوێنەکە یان ناوچەکە، بۆ نمونە کاتێک دیزاینێکی ناوەوە بۆ ژورێکی نوستن دەکەی پێویستە لە ڕوی بەکار هێنانی شکڵ و ڕوخسار جیاواز بێت لەو دیزاینەی کە بۆ ئۆفیسێک دەکرێت.

 

• گونجاندنی شێوەی دیزاینەکە لە گەڵ ئەو کەسەی کە بە کاری دەهێنێ: ئەمەش زۆر گرنگە و پێویستە ڕەچاو بکرێت و بگونجێنرێت لە گەڵ ئەو کەسەی یان کەسانەی کە لەو شوێنە دا کار دەکەن و ئەو شوێنە بە کار دەهێنن، بۆ نمونە کاتێک ژورێکی نوستن دیزاین دەکەی پێویستە ڕەچاوی ئەوە بکەی کە ئەو کەسەی ئەو نوستنە بە کار دەهێنێت، کوڕە یان کچ، گەنجە یان بەتەمەن، پاشان لەو ڕوەوە بڕیار بدەی کە دیزاینەکەت بە چ شێوازێک دەکەی.

 

• گونجاندنی ڕەنگی بەکار هاتوو: پێویستە کار بۆ ئەوە بکرێت کە ئەو ڕەنگانەی بە کار دەهێنرێن گونجاو بن لە گەڵ یەکتری بە شێوەیەک کە ئەمیش کاریگەری تەمەن و شێوازی کار و جۆری تۆنی ڕەنگی لە سەر بێت، کە ئەمانیش بە گشتی دوو جۆر و دوو شێوازی هەیە کە لە خوارەوە دا بە درێژی ڕوون کراوەتەوە.

 

جۆرەکانی ڕەنگ:

• ڕەنگە ساردەکان: ئەو ڕەنگانە دەگرێتەوە کە لە نێوان ڕەنگی شین و سەوز دان یان ئەو ڕەنگانەی کە لە نێوان پلەی 0 - 500 دان بە گوێرەی پێوەری مایرد، ئەم ڕەنگانەش ڕۆڵی سەرەکی دەگێڕن لە دیزاینی ناوەوە دا و بە گشتی کار لە سەر هێور کردنەوەی لایەنی دەرونی کەسەکان دەکات و هێواشی و وەستانی تێدایە و لە هەندێک ناوچە دا بە کار دەهێنرێت کە پێویستیان بە جم و جوڵ نیە وەک نەخۆشخانە و ئەو شوێنانەی کە کرێکار کاری تێدا دەکات یان لە هەندێک دیزاینی ماڵ دا.

دابەش بونی ڕەنگەکان بە گوێرەی پلەی گەرمی بە گوێرەی پێوەری مایەر

 

ڕەنگە ساردەکان و ڕەنگە گەرمەکان

 

• ڕەنگە گەرمەکان: ئەو ڕەنگانە دەگرێتەوە کە لە نێوان ڕەنگی زەرد و سور دان یان ئەو ڕەنگانەی کە پلەی گەرمیان لە نێوان 500-1000 دایە بە گوێرەی پێوەری مایرد، ئەم ڕەنگانەش ڕۆڵی سەرەکیان هەیە لە سەر لایەنی دەرونی ئەو کەسانەی کە دیزاینەکەیان بۆ دەکرێت یان بە کاری دەهێنن، بە گشتی ئەم ڕەنگانە واتای وروژاندن و جوڵە و وزەیان تێدایە و وا لە کەسەکان دەکات کە هەست بە جم و جۆڵ و وزە بکەن لەو شوێنانەش بە کار دەهێنرێت کە ئەو شێوازەیان پێویستە بۆ نمونە لە چێشتخانەکاندا یان دیزاینی ناوەوەی ئەکەی نیشتەجێبوون دا ئەو شوێنانەی کە واتای جوڵەیان تێدایە .

 

شێوازەکانی بە کار هێنانی ڕەنگ:

• بە شێوەی هارمۆنی (گونجاندن): واتە بەکار هێنانی ڕەنگە نزیک لە یەکەکان ئەمەش بە هەمان شێوە بە گوێرەی ئەو شوێنەی یان شکڵەی کە بە کاری دەهێنی، زۆر جار بۆ ئەوەی شوێنێک یان دیزاینێکی ئاڵۆزی پێ سادە بکرێتەوە و وای لێ بکرێت کە واتایەکی سادەی هەبێت.

 

• بە شێوەی کۆنتراست (دژیەک): واتە گونجاندنی ئەو ڕەنفانەی کە دژ بەیەکن لە جۆرێتی و تۆخێتی ئەو ڕەنگە ، ئەمەش بە کار دەهێنرێت بۆ دەرخستنی ناوچەیەیک یان شکڵێک لە دیزاینەکە دا و نیشاندانی بە شێوەیەکی زۆر ئاشکرا، چونکە لەم شێوازەدا ڕەنگێک دەبێ بە زاڵ کە ڕاستەوخۆ چاو بە لای خۆیدا ڕادەکێشی و ڕەنگێکیش دەبێ بە بەزیو کە لە لایەن چاوەوە ئیهمال دەکرێت.

 

ئەمانەی خوارەوە چەند نمونەیەکی بەکار هێنان و کاریگەری ڕەنگەکانە لە دیزاین دا:

 

وەرگرتنی بیرۆکەی ڕەنگ:

ڕەنگەکانیش وەک هەمو دیزاینێکی تر پێویستە بیرۆکەی لە پشتەوە بێت و بێ بیرۆکە ناتوانی ڕەنگەکان دیری بکەیت، زۆر جار بیرۆکەکان لە سروشتەوە وەردەگیرێن یان هەندێک جار بیرۆکەکە لە پێکهاتەیەکی ناو دیزاینەکەوەردەگیرێت وجاری واش هەیە کە شێوازی دیزاینەکە ڕەنگەکان دیاری دەکات ، بۆ نمونە کاتێک کە کار لە دیزاینی ناوەوەی یاریگایەکی تۆپی پێ دەکەی ئەوا تۆ ناچاری ڕەنگەکنت لە گەڵ ڕەنگی سەوزی چیمەنی ناو یاریگاکەدا بگونجێنی ، ... وە هەروەها.

 

ئەمانە چەند بیرۆکەیەکن بۆ وەرگرتنی ڕەنگەکانن

 

هیوادارم بابەتەکەم سودی هەبێت بۆتان و هەر تێبینیەک یان زیاد کردنێکتان هەبوو تکایە لە خوارەوە بینوسە و وەڵامێک دابنێ لە سەری.

 

[خەڵات جەلال]

دەست خۆش کاک هێمن بە ڕاستی بابەتێکی زۆر جوانە، هیوای بەردەوامیت بۆ دەخوازم.

 

[سەرمەد]

بە ڕاستی زۆر نایابە.

دەست خۆش کاک هێمن گیان. 👍

 

من لە wall ەکەی خۆم شەیرم کرد.

[Taban]

بابەتێکی زۆر بەسودە.

من ١٠/١٠ .. 👍

 

[خەڵات جەلال]

لە تیۆری ڕەنگەکاندا ئەم شیتەش زۆر سودی هەیە بیزانی :

[Taban]

پێوەری مایەرد بە گشتی پەیوەندی هەیە بە Tempreature ی ڕەنگەکانەوە بە یاسایەک کە بریتیە کە 10⁶/T لە کاتێکدا :

T: بریتیە لە گەرمی ڕەنگەکان 

M: بریتیە لە پێوەری مایەرد

 

ئەگەر بیبەستینەوە بە نمونەیەکی سی جی ەوە .

بە گشتی لە بەرنامەی ماکس دا کاتێک Vray Light بە کار دەهێنین بە دوو شێوە دەتوانی ڕەنگەکانی دیاری بکەی، بە Tempreature یان Color.

لە ڕێی تێمپریچەرەوە دەتوانین نرخی نایەردی ڕەنگەکە دیاری بکەین .

ئەگەر ئاسمان بە نمونە وەرگرین کە گەرمیەکەی لە 25000 بۆ 30000 دایە بە گوێرەی مایەرد دابەشی 10⁶ /1 دەکرێت کە دەکاتە 40 ئەمەش بە گوێرەی مایەرد ڕەنگی شینی ئاسمانیە.

 

[hemn.wali]

زۆر سوپاس هاوڕێیان بۆ تێبینی و سەرنجەکانتان و زۆر سوپاسی دەستخۆشیاکنیشتان ئەکەم..

زۆر سوپاس کاک @خەڵات جەلال بۆ زیاد کردنەکەت.

زۆر سوپاس @Taban خان بۆ ڕونکردنەوەکەت.

[کارێز]

بابەتێکی زۆر سەرنجڕاکێشە، دەست خۆش کاکە هێمن.

بە نیازی بۆیاخ کردنی ماڵەکەی خۆم بووم، سودی زۆرم لێ وەرگرت ، ههه 

[هیوا یاسین]

دەست خۆش بۆ  ئەم بابەتە جوان و گرنگە،

[jaza arch]

دەست خۆش کاک هێمن بابەتێکی زۆر بە سودە

[Darin]

دەست خۆش کاک هێمن بە ڕاستی زۆر بە وردی ڕونت کردۆتەوە.

هیوای بەردەوامیت بۆ دەخوازم.

[سەناریا]

بە پێوەری nanogram هەموو ڕەنگەکان لوپێک دروست دەکەن لە 2000 کێڵڤنەوە دەست پێ دەکات بە هەمان ژمارە 2000 کێڵڤن کۆتایی دێت .

بەڵام لە پێوەری Mired دا ڕەنگەکان یان Temperature ەکان بێکۆتان و کۆتاییان نایەت و لوپیش نین.

 

[Rasti]

دەستتان خۆش بێت، بە ڕاستی بابەتێکی بەهێز وروژێنراوە.

 👍 👍 👍

[سەرمەد]

ئەم بابەتە پێویستە گرینگی پێ بدرێت و بخرێتە سەرەکی ماڵپەڕەوە.