پڵەگینی Max2C4D نوێ کرایەوە

هەواڵێکی خۆش بۆ بەکارهێنارانی سینەما فۆر دی و ماکس، گروپی پەرەپێدەری پڵەگینی Max2C4D کە هەڵدەستێت بە کۆنڤێرت کردنی فایلی ماکس بۆ سینەما فۆردی هەستان بە بەرهەم هێنانی وەشانێکی نوێی ئەو پڵەگینە کە وەشانی ٢ ی پڵەگینەکەیە و چەندین تایبەتمەندی نوێ زیاد کراوە و چاکسازی لە تایبەمەندیە کۆنەکاندا کراوە.

لە گرنگترین تایبەتمەندیە بنەڕەتیەکانی ئەم پڵەگینە بریتین لە:

1. گۆڕینی فایلی ماکس بۆ سینەما فۆر دی بە تەنها ٢ کلیک.
2. دروست کردنی Library بۆ سینەما فۆر دی لە مۆدێلی ماکسەوە.
3. پاڵپشتی کردنی ڤیڕەی، بە شێوەیەک دەتوانێت گشت ماتریاڵ و ڕوناکیەکانی ڤیڕەی ماکس بگۆڕێت بۆ سینەما فۆر دی یان ڤیڕەی سینەما فۆر دی.
4. کردنەوەی ئەو مۆدێلانەی کە بۆ ماکس دروست کراون و گۆڕینیان بۆ سینەما فۆر دی.
5. دەتوانی مۆدێلەکانی ماکس بە ئاسانی بەکاری بهێنی لە بەرنامەی ئافتەر ئیفێکت چونکە سینەما پاڵپشتی تەواوی ئافتەر یئفێکت دەکات.
6. ئەمانە و چەندین تایبەتمەندی تریش.

لە گرینگترین تایبەتمەندیەکانی ئەم وەشانە نوێیە:

1. پاڵپشتی چەند تایبەتمەندیەکی تری ڤیڕەی دەکات.
2. بە تەواوی پاڵپشتی ڤیڕەی 3 و 3.2 دەکات.
3. ئێستا دەتوانی هەمو فایلەکە بگۆڕی یان تەنها ئەو ئۆبجێکتەی کە دیاری دەکەی.
4. پاڵپشتی کردنی V-Ray FastPrev کە تایبەتە بە خێرا کردنی ڕێندەری ڤیڕەی بۆ ئۆبجێکتەکان پێش ئەوەی فایناڵ ڕێندەر بکەی.
5. ئێستا دەتوانی ڕێچکەیەکی کاتی (Temporary) دیاری بکەی بۆ پاشەکەوت کردنی فایلەکان، پێش گواستنەوەیان.
6. لەم وەشانە دا مۆدیفایەری Turbosmooth/Meshmooth دەگۆڕێت بۆ subdivision generator ی سینەما فۆر دی.
7. دۆزینەوەی کارەکتەری نەگونجاو لە ناوی ماتریاڵ و تێکسچەر و ئۆبجێکتەکاندا، هەروەها تایبەتمەندیەک زیاد کراوە بۆ چاک کردنی ئەو کێشانە.

ماڵپەڕی سەرەکی

پرۆمۆی پڵەگینەکە:

لە 4 کانونی دووەمی 20168 yr گۆڕانكاری تێدا كراوە لە لایەن Taban