سەرمەد

ڕاستە کاک خەڵات، ئینشاڵا ئەوانی تریش دادەنێم. بۆ ڕون کردنەوەی زیاتر لە سەر چۆنێتی داگرتن: تکایە دوای ئەوەی بەستەرەکەت کردەوە کلیک لە سەر (Download through your browser) بکە، هەر وەک لەم وێنەیەی خوارەوە دا ڕون کراوەتەوە.

گلۆبال کاد کۆمپانیایەکی تایبەت بە بەرهەم هێنانی پڵەگینی ئۆتۆکادە و چەند پڵەگینێکی بەهێزی بۆ بەرنامەی ئۆتۆکاد دروست کردوە کە توانای ئۆتۆکاد زۆر زیاد دەکات و یەکێک لەو پڵەگینانە ناوی GlobalCAD Lanscape ە کە من لەم بابەتە دا بۆم ئامادە کردون . ئەم پڵەگینە لە چەند بەشێک پێک دێت و چەندین ئامێری تێدایە لەوانە: چەندین بلۆکی تایبەت بە لاندسکەیپ ی تێدایە بە کوالیتیەکی زۆر بەرز. توانایی کار کردن لە گەڵ ڕوپێوی دا و دەرهێنانی کوانتیتی ڕوپێوی. دروست کردنی BOQ بۆ ئەو ئۆبجێکتانەی کە دایدەنێی. بوونی Hatch Manager لەم پڵەگینە دا وای لێ دەکات کە چەند هاچێکی بەهێز بۆ بەرنامەی ئۆتۆکاد زیاد بکات. توانایی جێبەجێ کردنی Cost Estimation بۆ ئۆبجێکتەکان. ئەم پڵەگینە چەندین مۆدێلی 3D یان بلۆکی 3D تێدایە کە دەتوانرێت ڕێندەر بکرێت و کوالیتی زۆر بەرزە. ئەمانە و چەندین تایبەتمەندی تر کە دەتوانی لە ماڵپەڕی سەرەکی پڵەگینەکە بیخوێنیتەوە. دڵنیام کە سود لەم بەرنامەیە دەبینن لە بەر ئەوە خۆم زۆر سودم لێ بینیوە بە تایبەت بۆ ئەندازیارانی تەلارسازی. ماڵپەڕی سەرەکی داگرتن ( قەبارە 107 مێگابایت) https://mega.nz چەند تێبینیەک: ببورن لە بەر ئەوەی یاساکانی ماڵپەڕ ڕێ نادات بە دانانی کراک و سریاڵ ناتوانم سریاڵی بەرنامەکەتان بۆ دابنێم هەر کەسێک ویستی با لە کۆمێنت دا داوای بکات ڕاستەوخۆ بۆی دەنێرم یان دەتوانێت لە ڕێی نامەی تایبەتەوە پەیوەندیم پێوە بکات. من خۆم لە سەر ئۆتۆکادی ٢٠١٦ دامبەزاندوە و لە سەر هیچ ڤێرشنێکی تر تاقیم نەکردۆتەوە. چەند وێنەیەکی ئەم پڵەگینە بەهێزە

بۆ یەکەم جار کارم لە سەر بەرنامەی ماکسی ٢٠١٧ کرد، خراپ نیە، ڕاستە شتێکی ئەوتۆ نەگۆڕاوە تێیدا بەڵام بە ڕای من ART ڕێندەر شتێکی زۆر باشە و دەتوانێت ببێت بە جێگرەوەی مێنتاڵ ڕەی. بە تایبەت دوای ئەوەی کە پشتگیری Physical Sky و Sun و Physical Material و چەندین جۆری ڕوناکی Photometric دەکات. ئەمە کارێکی زۆر خێرایە کە پێم ئەنجام داوە.

ئەوەی کاک خەڵات نوسیویەتی ڕاستە بەڵام ئەو ڕێژەیە (Water - Cemnet Ratio) چەند جۆرێکی هەیە بۆ نمونە بە پێی یاساکانی (Abram’s Law) ئەو ڕێژانە بەم شێوەیەی خوارەوەیە: 0.45 بۆ کۆنکرێتی 1 : 1 : 2 0.5 بۆ کۆنکرێتی 1 : 1.5 : 3 0.5 تا 0.6 بۆ کۆنکرێتی 1 : 2 : 4

چەند تایبەتمەندیەکی تر بە پێی دوایین وەشانی بێتا: Add Offset Controler زیاد کراوە بۆ بەشی Controlers ڵە Motion دا. ماتریاڵی فیزیکاڵ Physical Material زیاد کراوە بۆ بەشی ماتریاڵ. لە بەشی UV Mapping دا: flatten by material id زیاد کراوە. UV paint movement زیاد کراوە. flatten by smoothing groups زیاد کراوە. فیزیکاڵ ماتریاڵ Offset Curve

زۆر ڕاستە کاک @خەڵات جەلال منیش هەمان ڕام هەیە پێویستە گرینگی زیاتر بدات بە سیستمی داینامیک بە تایبەت بۆ بواری Mograph کە بریتیە لە ئەنیمەیشنی ڕیکڵامی.

منیش بە هەمان شێوە پێم باشە کەمێک مەبەستەکەت ڕونتر بکەیتەوە.

کۆمپانیای ئۆتۆدێسک وەشانێکی نوێی بەرنامەی ئۆتۆکادی بڵاو کردەوە کە بەرنامەیەکی تایبەتە بە وێنەکێشانی ئەندازەیی CAD Drawings . ئەم وەشانە تازەیە بریتیە لە وەشانی 2017 ی ئەم پڕۆگرامە و چەند نوێکاریەکی تێدا کراوە. لە گرنگترین تایبەتمەندیەکانی ئەم وەشانە نوێیە بریتیە لە: زیاد کردنی ئەپلیکەیشنێکی نوێ کە لە ڕێیەوە گشت Update و نوێکاریەکانی گشت پڕۆگرامەکانی ئۆتۆدێسکی پێ ڕێک دەخرێت بە ناوی Autodesk Desktop App. زیاد کردنی Smart Centerline و Smart Mark کە لە ڕێەوە دەتوانی بە ئاسانی سەنتەری نێوان دو خاڵ دیاری بکەی و هەروەها سەنتەری گشت قەوس و بازنەیەک بە شێوەی Related دیاری بکەی. یەکێکی تر لە گرنگترین تایبەتمەندیەکان بریتیە لە زیاد کردنی تایبەتمەندی هێنانی فایلی PDF بە شێوەی ئۆتۆکاد، کە ئەمەش جێی دڵخۆشیە بۆ زۆرێک لە بەکارهێنەرانی ئەم پڕۆگرامە. چاکسازی کراوە لە تایبەتمەندی 3D Printing دا کە بە کاردەهێنرێت بۆ پرینتی مۆدێکی سێ لایی بە پرنتەری 3D. زیاد کردنی تایبەتمەندی Share Design View کە دەتوانی لە ڕێیەوە نەخشەکانت شەیر بکەی بۆ کلاود و لەوێوە بە کاری بهێنی. ئەمانە و چەندین تایبەتمەندی تریش کە دەتوانی لەم ڤیدیۆیەی خوارەوە دا بە تەواوی بیبینی. داگرتنی پڕۆگرام بە شێوەی Trial بۆ Online Install http://www.autodesk.com/products/autocad/free-trial داگرتنی پڕۆگرام بە شێوەی Trial بۆ offline Install (32bit x86) http://trial2.autodesk.com/NET17SWDLD/2017/ACD/DLM/AutoCAD_2017_English_Win_32bit_dlm.sfx.exe (64bit x64) http://trial2.autodesk.com/NET17SWDLD/2017/ACD/DLM/AutoCAD_2017_English_Win_64bit_dlm_001_002.sfx.exe http://trial2.autodesk.com/NET17SWDLD/2017/ACD/DLM/AutoCAD_2017_English_Win_64bit_dlm_002_002.sfx.exe زانیاریە پێویستەکان: Product Key: 001I1 Serial: 666-69696969 پەڕەی یارمەتی ئۆتۆکاد: http://help.autodesk.com/view/ACD/2017/ENU/ http://download.autodesk.com/us/support/files/autocad_2017_help_download/AutoCAD_2017_Product_Help_English_Win_32_64bit_dlm.sfx.exe یاساکانی ئەم ماڵپەڕە ڕێگە نادات بەوەی کە کڕاکەکەی دابنێم، لە بەر ئەوە هەر کەسێک کڕاکەکەی ویست با نامەیەکی تایبەتم بۆ بنێری لەم ماڵپەڕە دا، ڕاستەوخۆ بۆی ئەنێرم.

هەر چەندە سریدی ستودیۆ ماکسی ٢٠١٧ هێشتا بڵاو نەکراوەتەوە، بەڵام بە پێی ئەو هەواڵانەی کە لە لایەن Beta Tester ەکانەوە بڵاو کراوەتەوە بریتیە لەمانەی خوارەوە. ڕوخساری بەرنامەکە گۆڕاوە و گۆڕانکاری لە ئایکۆنەکانی وەشانە نوێکەدا کراوە. ڕێندەر ئینجینێکی نوێ زیاد کراوە بە ناوی ART کە پێ دەچێت هەر ئەوە بێت کە لە Autodesk 360 دا بەکار هاتوە. ڕێندەر ئینجینی مێنتاڵ لابراوە، پێ دەچێت ئەمیش وەک مایا بە شێوەی جیا دابەزێنرێت. هیچ گۆڕانکاریەک لە داینامیک سیستەم و پارتیکڵ دا نەکراوە. ڕوخسارە بەرنامەکە گونجاوە لە گەڵ HDPI واتە شاشە کوالیتی بەرزەکان و Text Scaling . ئەمانە ئەو چەند زانیاریانەن کە تا ئێستا دەستم کەوتون لە چەند برادەرێکمەوە لە Autodesk Beta testers. ڕوخساری نوێی بەرنامەی ماکسی ٢٠١٧ هەر هەواڵێکی تریشم دەست کەوت لێرەوە بڵاوی دەکەمەوە.

وا دیارە ئۆتۆدێسک بە تەواوی گرینگی بە بەرنامەی مایا دەدات زیاتر لە هەموو بەرهەمەکانی تر، ئەمە باسی ئێکس جێن بوو، ئەگەر بێت و باسی Bifrost بکەین کە هەر ئەو ساڵە 2015 هاوکات لە گەڵ XGen بۆ مایا زیاد کران ئەوا دەزانین کە بە تەواوی ئەو قسانە ڕاستن. سیستمی Bifrost لە لایەن Marcus Nordenstam ەوە بەڕێوە دەبرێت و پەرەی پێ دەدرێت کە دامەزرێنەری سۆفتوێری Naiad ە کە سۆفتووێرێکی تایبەت بە Liquid Simulation ە، ئەوەبو ئۆتۆدێسک ئەمیشی کڕیەوە و خستیە ناو بەرنامەی مایاوە، وەک بڵێی سۆفتوێرێکی نیە بە ناوی سریدی ماکس ەوە. زانیاری زیاتر لەم بەستەرەوە بخوێنەرەوە: http://usa.autodesk.com/adsk/servlet/pc/item?id=20307972&siteID=123112

زۆر سوپاس کاکە دەشتی، بە ڕاستی من زۆر موعجیبی کۆرۆنا م بە تایبەت لەو خێرایە لە ڕادە بەدەرەی کە هەیەتی لە کاتی ڕێندەر کردن دا.

بە ڕای من Thinking Particle باشترین بژاردەیە لە زۆر ڕوەوە.

لەم ماوەیەی دوایی دا چەند فێرکاریەکی بەهێزی کۆرۆنا ڕێندەرم بۆ سریدی ماکس دۆزیەوە، منیش حەزم کرد لە تەلارساز دای بنێم تا ئەندامانی تەلارساز سودی لێ ببینن، فێرکاریەکە بە شێوەی ڤیدیۆیە و پێک دێت لە سێ بەش، بەشی یاکەم تایبەتە بە ماتریاڵ و بەشی دووەم تایبەتە بە ڕوناکی Lighting و بەشی سێیەمیش تایبەتە بە ڕێندەر کردن Rendering. تێبینی: فێرکاریەکە لە سەر بەرنامەی سریدی ماکسە بەشی یەکەم (ماتریاڵ Material) بەشی دووەم ( ڕوناکی Lighting): بەشی سێیەم (ڕیندەر Rendering): هیوادارم سودی لێ ببینن

شتێکی زۆر نایابە .. دەست خۆش

بێگومان زانین و فێر بونی هەر بەرنامەیەک خۆی لە خۆیدا سودی تایبەتی هەیە بۆ ئەندازیار، بەڵام زۆر باشترە کە لەو فیڵدەی خۆیدا کار بکات. بۆ نمونە کاتێک باسی سکێچ ئەپ دەکرێت یەکسەر ئەندازیاری تەلارسازت دێتەوە بەر چاو کە ئەو بەرنامەیە سودی تەواوی هەیە لە بواری تەلارسازی دا. بە ڕای من تۆ لە بەر ئەوەی ئەندازیاری شارستانی دەخوێنیت ئەم ڕێنماییانە لە بەر چاو بگرە : وا باشترە خۆت فێری بەرنامەی ئۆتۆکاد بکەی، لە بەر ئەوەی بەرنامەی ئۆتۆکاد بۆ هەموو بەشەکانی ئەندازیاری پێویستە. ئەگەر خوێندنەکەت پەیوەندی بە بواری Infrastructure ەوە هەیە ئەوا وا پێویستە خۆت فێری بەرنامەی Civil 3d و AutoCAD Infrastructure بکەی. ئەگەر دەتەوێ بچیتە بواری Structural Design ەوە ئەوا وا باشترە خۆت فێری یەکێک لە بەرنامەکانی وەک Etabs یان Staad pro بکەی. لە هەموو کاتێکیشدا دەتوانی وەک هیوایەتێک خۆت فێری بەرنامەی تر بکەی بەڵام بۆ ئەندازیاری شارستانی بە ڕای من سکێچ ئەپ و سریدیماکس زۆر سودی نابێتم چونکە ئەو دوو بەرنامەیە زیاتر لە لایەن ئەندازیارانی تەلارسازەوە بە کار دەهێنرێت. هیوادارم وەڵامەکەم سودی هەبوبێت.

دەستتان خۆش بێت کاک خەڵات، بە ڕاستی جێپەنجەتان دیارە و کارێکی زۆر باش ئەنجام دەدەن، هەر سەرکەوتوو بن..

مژدەیەکی زۆر خۆشە، چونکە بە ڕاستی ڕیڤیت کێشەی ڕێندەری هەیە ، بەمەش پێم وابێ ئەو کێشەیە چارەسەر دەبێت. دەست خۆش

پڵەگینی پارا سریدی یەکێکە لە پڵەگینە بەهێزەکانی بەرنامەی ماکس، کە تایبەتە بە Parametric Modeling لەو بەرنامەیە دا و چەندین کاری سەرنجڕاکێش و نایابی پێ ئەنجام دراوە، کارەکە لە بنەڕەت دا پشت دەبەستێت بە کۆپی کردن و دووبارە کردنەوەی ئۆبجێکتەکان بە گوێرەی هێڵێک یان لە سەر ڕوکارێک ئەمەش وای لێ دەکات کە چەندین کاری نایابی پێ ئەنجام بدرێت. بۆیە حەزم کرد ئەو پڵەگینە بخەمە خزمەتتان بۆ ئەوەی سودی لێ ببینن. ماڵپەڕی سەرەکی: torabiarchitect.com/parametric-array داگرتن: بۆ دەستکەوتنی ئەم پڵەگینە بە تەواوی وەڵامێک لەم بابەتە دابنێ و منیش بە نامەی تایبەت بۆتانی ئەنێرم.

دەست خۆش کاکە هیوا، کارێکی زۆر جوانە بەڵام ئەگەر کەمێک Smart Sharpen ت بدیەتێ لە فۆتۆشۆپ دا کارەکە جوانتر دەردەچوو وە قەراغەکانی وازحتر دەبوو.

بابەتێکی زۆر بەجێیە، زۆربەمان ئەو کێشەیەمان لە گەڵ ماکس دا هەیە، بەڕێز @Taban من ئەو پڵەگینەم لایە ئەگەر ویستت بە نامەی تایبەت بۆتی ئەنێرم . لە بەر یاساکانی ماڵپەڕ ناتوانم لەم بابەتەدا دایبنێم، لە بەر ئەوەی نابێت شتی نایاسایی دابنرێت.

بەڕێز @Zanyar تۆ لەوانەیە ئاگات لە کوردستانت باشوور نەبێت، بەڵام کار ئەنیمەیشنی زۆر زرۆ بەرهەم دەهێنرێت ڕۆژانە، سەیرێکی ئەم نمونەیە بکە کە کۆمپانیای پلەس ملیۆن بەرهەمی هێناوە:

منیش بە هەمان شێوە مۆدێلی ئەو فیگەرەم زۆر بە دڵە، تکایە فایلی 3d ەکەی ئەپلۆد بکە ئەگەر دەتوانی.. زۆر سوپاس.

ماوەیەکە هەر دوو بەرنامەی توین مۆشن و لومیۆنی تازە بڵاو کراونەتەوە کە هەردوکیان زۆر بەهێزن لە بواری Real Time Visualization دا، بەڵام نازانم لە سەر کامیان بڕۆم دەمەوێت لە سەر یەکێکیان ساغ ببمەوە. دەمەوێ بزانم ڕای ئێوە چیە لە سەر ئەو دوو بەرنامەیە و کامیانتان پێ باشە. نوێکاریەکانی لومیۆنی ٦: http://lumion3d.com/new-in-lumion-6 نوێکاریەکانی توین مۆشن ٢٠١٦:

من پێم باشە گرافیک کارتێکی Nvidia بە کار بهێنی و بە تایبەت ئەگەر پارەی پێ بدەی NVidia titan Z کە گرافیک کارتێکی زۆر نایابە بۆ گرافیک دیزاین. http://www.nvidia.com/gtx-700-graphics-cards/gtx-titan-z ئەم مۆدێلە ئێستا لە بازاڕەکانی کوردستانیش دا هەیە، من لە سلێمانی بینیومە.

هاوڕێیان ئەم کارەم بریتیە لە کارێکی نوێم کە تێیدا کۆرۆنا ڕێندەرم بە کار هێناوە و یەکەم کاریشمە بە کۆرۆنا، گەیشتمە ئەو ئەنجامەی کە کۆرۆنا زۆر زۆر ئاسانە و زۆر بەهێزیشە. بژی کۆرۆنا. بە ڕاستی توانیم لە ماوەیەکی زۆر کەم دا ئەنجامێکی زۆر خێرام لێی دەست بکەوێ. ئەم کارەم لە ماوەی ٢ کاتژمێردا مۆدێل کردوە و ڕێندەریشم کردوە ( مۆدێلی مێز و کورسیەکان ئامادە بوون تەنها ماتریاڵی کۆرۆنام بۆ دانان). هیوادارم بە دڵتان بێت . ماتریاڵەکانی کۆڕۆنا ڤیوپۆرتی کارەکە